ЯҢАЛЫКЛАР

Басуларда  барлык җитештерелгән чөгендернең 40 процентлабы кала әле, дип хәбәр иттеләр районның авыл хуҗалыгы һәм азык-төлек идарәсеннән.

Нурлат муниципаль районыныц гражданлык оборонасы саклагыч корылмаларын инвентарьлаштыруда шәһәрнең сигез предприятиесе документларын тапшырмаган.
 Бу хакта районның Эвакокабул итү комиссиясендә хәбәр ителде.

Кичә Биектау районыныда ТР дәүләт казна учреждениеләре–урманчылыкларга Татарстан Хөкүмәте тарафыннан бүленгән 50 УАЗ машинасы ачкычларын тапшыру тантанасыннан “Нурлат урманчылыгы” ДКУсы җитәкчесе Искәндәр Усманов та машина алып кайтты.

Бүген “Ледок” Спорт сараенда 2002–2003 елгы үсмерләр арасында “Кышкы старт” дип аталган хокей турниры башлана. Әлеге турнирда Нурлатның “Ледогы”ннан тыш, ЦСК ВВС (Самара), “Волгарь” (Тольятти), “Кристалл” (Балаково), “Сокол” (Яңа Чабаксар), “Вятка” (Киров) командалары көч сынаша. Турнирның җиңүчесе исә 8 декабрьдә билгеле булачак. “Кышкы старт” бәйгесен Боз сарае җитәкчелеге оештыра һәм моның үз максаты да бар икән.

Нурлат ДЮСШсы республика спорт мәктәпләре арасында дзюдо һәм самбога багышланган Ачык ишекләр көне нәтиҗәләре буенча дүртенче урын алды.

Нурлат футболчылары республиканың Ачык футбол лигасында катнашачак. Әлбәттә, мондый мәртәбәле турнирда катнашу хокукы алу район тарихында зур һәм истәлекле вакыйга.

Яңа елга әзерлек буенча берьюлы дүрт конкурс старт алды.

7 декабрьдә шәһәр үзәгендә (Гыйматдинов урамы) Инвалидлар ункөнлегенә багышланган авыл хуҗалыгы ярминкәсе үтәчәк. Ярминкәдә авыл хуҗалыгы товарлары гадәттәгечә чагыштырмача арзан бәяләрдән тәкъдим ителәчәк, бу юлы эре терлек, каз, үрдәк итләре күп булачак, ди оештыручылар. Мәдәният бүлеге  зур концерт программасы тәкъдим итәчәк, ярминкәдә шулай ук волонтерлар ярдәме дә оештырыла.
Ярминкә иртәнге 7дә башлана. 

Соңгы арада республикабызда дүрт христиан чиркәвенә ут төртү очрагы теркәлде. Зыян күрүче гыйбадәт йортлары асылда керәшен татарларыныкы булган. Республикадагы әлеге хәл уңаеннан Нурлат районы дин әһелләренең дә әйтер сүзләре бар, һәм алар милләтара дуслыкны һәм туганлыкны саклап калырга чакыра.

Узган шимбәдән башлап шәһәр юлларына кар чистарту техникасы чыкты. “Төзекләндерү биш” җәмгыяте бозлавыкка каршы материалны быел ике тапкырга күбрәк әзерләгән.
– Юл службалары оператив эшкә керештеләр, - дип хәбәр итәләр шәһәр башкарма комитетында. – 29 ноябрьдән шәһәр эчендә биш махсуслаштырылган техника кизү тора. Барлык юл службалары да кышны тулы әзерлек белән каршы алдылар.