ЯҢАЛЫКЛАР

Быел шәһәрдә эчә торган су проблемасы гадәттәгедән күпкә иртәрәк – март башында ук башланды.

14–16 мартта Казанда үтүче III Бөтенроссия татар авыллары эшмәкәрләре җыенында Киекле авылыннан  крестьян-фермерлык хуҗалыгы башлыгы Илгизәр Лотфуллин катнаша.

Кичә, 13 мартта Нурлатның “Ледок” Спорт сараенда 2002 елгы үсимерләр арасында хоккей буенча Татарстан беренчелегенең финал уеннары башланды.

“Заречный” сәламәтләндерү лагеренда капиталь ремонт эшләре кайный. Республика бюджетыннан бүлеп бирелгән 2 миллион сумга биредә түбә, тәрәзәләр, электр үткәргечләр, керү ишекләре алмаштырыла. Подрядчылар “Новый дом” оешмасы хезмәткәрләре эшләрне 20 апрельгә төгәлләргә исәпли. Лагерь җитәкчелеге әйтүенчә, балаларны ялга кабул итү гадәттәгечә 1 июньнән башланачак икән.

Быелның 11 мартыннан ярты литр аракының минималь бәясе 199 сумга әйләнде (элек 170 иде), иң очсыз коньяк исә 52 сумга артып, 322 сум булды. Бәяләр алкоголь базарын көйләү буенча Федераль служба әмере буенча  арттырылды, ди ТР Дәүләт алкоголь инспекциясенең Чистай территориаль бүлеге белгече Алия Гатина.Спиртлы эчемлекләрнең бәяләре августта тагы бер артачак һәм минимум 220 сумга җитәчәк, диде белгеч.

Урта Камышлыдан Румия һәм Игорь Петровларның өй инкубаторында бүген-иртәгә беренче партия чебиләр чыгачак. Моннан бер ай элек инкубаторга куелган 4000 йомыркадан 3500ләп чеби чыгарга тиеш, диләр Петровлар. Бүгенге көндә инкубаторга 12000ләп йомырка урнаштырылган, чебиләр һәр атна азагына 13 июньгә кадәр  чыгып торачак икән. Бераз соңрак инкубаторга үрдәк, каз, күркә йомыркалары да урнаштырылачак.

Быелдан Татарстанда “ПолитЗавод-2014” проекты старт алды.
Әлеге проектның бурычы яшьләрне активлаштыру, төрле тармаклардагы сәләтле яшьләрне сәяси эшчәнлеккә җәлеп итүдән гыйбарәт. Проектта теләге булган һәркем катнаша ала, моның өчен “Бердәм Россия” партиясенең җирле бүлекчәсенә мөрәҗәгать итәргә кирәк.

Нурлатның танылган чаңгычысы Радик Ибраһимов Самара шәһәрендә мәртәбәле турнирдан чемпион исемен яулап кайтты.

Бүген, 12 мартта, район башлыгы Равил Кузюров районның авыл хуҗалыгы һәм азык-төлек идарәсе начальнигы Ислам Сафиуллин, “Агро-Инвест” ИК генераль директорының беренче  урынбасары Наил Шарапов, “Сөләйманов Ә.И” КФХсы җитәкчесе Ирек Әндәрҗанов һәм хуҗалык белгечләре озатуында “Сөләйманов Ә.И” КФХсының Биляр Озеро сөт-терлекчелек комплексында терлекчелекнең торышын һәм Фома бүлекчәсендә техниканы язгы кыр эшләренә әзерлекнең барышын карады.

Бүген район башлыгы Равил Кузюров шәһәр торак-коммуналь службалары, торак милекчеләре ширкәтләре, идарәче компанияләр, ресурслар белән тәэмин итәүче служба җитәкчеләре һәм йорт  өчен җаваплылар  катнашында айлык киңәшмә үткәрде.