ЯҢАЛЫКЛАР

Чулпан метеостанциясе мәгълүматларыннан күренгәнчә,  агымдагы елда кар катламы нормадан күбрәк – 47 сантиметр тәшкил итә икән. Туфракның туңу өлеше 76 сантиметр. Бу – нормадан азрак. Узган ел март аеның өченче декадасы азагында карлар эреп беткән булган. Метеорологлар быел да һава торышында әлләни үзгәрешләр көтелми дип хәбәр итә.

Дүшәмбе көнне районның яңа оешкан  фермерлар ассоциациясе үзенең беренче җыелышын үткәрде.
Язгы чәчүгә әзерлек бара, фермаларда да вак-төяк мәшәкатьнең бетәсе юк... Әмма шулай да ассоциациянең беренче җыелышына дистәдән артык фермер килү җаен тапкан һәм  күтәрелгән проблемалар турында фикер алышуга актив кушылдылар. Ә проблемалар шактый һәм күбесе уртага салып хәл итүне таләп итә торган.

8 Март - Халыкара хатын-кызлар көнен Югары Нурлат бистәсендә “Ак калфак” иҗтимагый оешмасы җирле мәдәният йорты хезмәткәрләре белән берлектә “Без – авыл хатыннары, яки без булганда авыл яши” дигән зур бәйрәм итеп билгеләп үтте.
Бәйрәм программасына 1945-1952 елларда шушы авылда туып, бар гомерләрен биредә үткәргән 33 гүзәл зат сәхнә түрендә хөрмәтләнде. Әлеге программаны  “Ак калфак” район  иҗтимагый оешмасының  беренче эше дип әйтсәк тә ялгыш булмас.

Узган атнда Нурлатның “Факел” командасы Ачык футбол Лигасының тугызынчы туры кысаларында Казанның “Дентро”сын кабул итте һәм 1:0 исәбенә җиңүгә иреште.

Фирдүс Тәмаевның 17 гыйнвардан 5 мартка кадәр барган концерт туры  зур уңыш белән узды: бу чорда якташыбыз республика шәһәрләрендә 48 концерт бирде.

Бүген, 9 март көнне Нурлат районы башлыгы Равил Кузюров район башкарма комитеты җитәкчесе Әсгать Габдуллин һәм башкарма комитетның төзелеш бүлеге хезмәткәрләре, мәгариф идарәсе белгечләре белән районда  капиталь ремонт һәм төзелеш бара торган объектларда булды.

Бүген, 9 мартта район башлыгы Равил Кузюров авыл хуҗалыгы һәм азык-төлек идарәсе начальнигы Ислам Сафиуллин белән иртән Сәләнгеш, Мамык, Карвыл Тавы, Егоркино товарлыклы-сөтчелек фермаларында булды.

Нурлатның яшь гвардиячеләре бүген шәһәр Мәдәният сараенда бәйрәм дискотекасы үткәрә. 8 Март-Халыкара хатын-кызлар көненә багышланган тематик дискотекада төрле конкурслар, уеннар оештырылачак. Актив яшь гвардиячеләрне котлаулаулар да булачак.

“IТ – чемпион” конкурсында быел укучылар гына түгел, мәктәпләр дә катнашачак.
Республикада узган елдан башлап оештырылган конкурс өч номинациядә үткән иде. Һәм анда безнең районнан 5297 укучы катнашты. Өч этап нәтиҗәләре буенча районның 5 укучысы айпадлар белән бүләкләнде.