Муниципаль районнар Нурлат муниципаль районы

ЯҢАЛЫКЛАР

июнь, 2014 ел

дүшәмбе

29 июньдә Егоркино авылы янындагы буада “Сува” республикасы газетасы призына балык тоту буенча спорт ярышы үткәрелде.

Һава торышы көйсез булса да, Кубок өчен көрәшергә теләүчеләр шактый җыелды. Шул рәвешле, турнирда катнашу өчен 57 балыкчы теркәлде. Әмма финалга кадәр бары тик кыюлар һәм түземлеләр генә җитә алды. Алар арасында иң яшь катнашучы – Егоркинодан ун яшьлек Никита Трофимовны аерым әйтеп үтү кирәктер. Өстәвенә, Никита иң беренче булып иртәнге бишенчедә үк язылган иде. Иң өлкән балыкчы 1941 елгы Әгъдәс Хөсәенов булды.

Акциягә беренчеләрдән булып кушылдылар

Районда 1 июльдән “Мәктәпкә җыенырга булыш!” Республика акциясе старт ала. Акция барышында агымдагы уку елында мәктәпкә барачак 661 беренче сыйныф укучысының 120дән артыгына мәктәп, спорт формасы, аяк киеме һәм уку кирәк-яраклары белән ярдәм итү планлаштырыла. Район оешма-предприятиеләре җитәкчеләре, депутатлары арасында акциягә иң беренчеләрдән булып “Кара Алтын” һәм “Чишмә ойл” җәмгыятьләре старт бирде.

Приз секторы

2014 елның II яртыеллыгына әбүнә чорында игълан ителгән призлы кампаниябез төгәлләнде. Бүген без уңыш елмайган әбунәчеләребезнең исемлеген бирәбез.

БЕРЕНЧЕ ИФТАР – СӨЛӘЙМАНОВЛАРДАН

Кичке эңгер төшеп килә. Чулпан авылы мәчете тирәсендә җанлылык: төрле маркадагы машиналара туктаган, ир-атлар килә-килешкә бер-берсе белән исәнләшәләр:

–Әссәламгаләйкүм!

Бүген - изге Рамазанның беренче көне, ир-атлар мәчеткә җыелса, бу арада хатын-кызлар авыл Мәдәният йорты залының буеннан-буена куелган тезелгән өстәл артында авыл остабикәсе Гәүһәр абыстай Хафизованың вәгазен тыңлыйлар. Өстәлләр мул, әби-апайларның ак яулыклары, пөхтә киемнәре бәйрәм рухы тудыра.

Полицейскийлар йорты тапшыруга әзерләнә

Шимбә көнне Мамык авылындагы полицейскийлар йорты каршына НУАД эшчеләре асфальт җәюне тәмамлап, Каравыл Тавы янындагы күперне ремонтлауга күчтеләр. Кизләү авылындагы йортта да соңгы эшләр тәмамлана. Иртәгә полицейский йортларын һәм Якты Күл авылындагы клубны тантаналы тапшыру көтелә.

Күпер ремонтланганда, юл өзелмәячәк

Шушы арада “Мостовик” җәмгыяте Колбай Мораса янындагы зур күперне ремонтлауга керешәчәк.

июнь, 2014 ел

җомга

Комиссия эшен активлаштыру кирәк

Бүген Нурлат районында терроризмга каршы һәм гадәттән тыш хәлләрне кисәтү, ликвидацияләү һәм янгын куркынычсызлыгын тәэмин итү буенча комиссияләрнең берләштерелгән утырышы үтте.

Нурлат сакчылары имтихан тапшырды

Кичә һәм бүген “Витязь” шәхси сак предприятиесенең Нурлат бүлегендә чын мәгънәсендә “кызу” көн – бүлекнең 160 хезмәткәре аттестация үтә.

Нурлатта Түләүсез юридик ярдәм көне үтә

Бүген “Бердәм Россия” партиясенең Нурлат җирле бүлекчәсендә Түләүсез юридик ярдәм күрсәтү көне кысаларында юристлар, нотариуслар һәм прокуратура хезмәткәрләре халыкны кабул итә. Иртәнге 8дән көндезге 11гә кадәр нурлатлыларга нотариус Ирина Щекач юридик консультация бирде. Ирина Щекач әйтүенчә, аңа нигездә милекне рәсмиләштерү, йорт һәм участокны бүләк итү килешүен рәсмиләштерү кебек сораулар белән мөрәҗәгать иткәннәр. Халыкка түләүсез юридик ярдәм эш көне азагына кадәр күрсәтеләчәк, нурлатлыларны көндезге 2гә кадәр адвокатлар, 2дән 4кә кадәр прокуратура хезмәткәрләре кабул итәчәк.

Районның өч авыл җирлеге ярдәм Грантлары алды

Агымдагы елның 29 маенда ТР муниципаль берәмлекләре советында авыл җирлекләренә грантлар бирү буенча Республика бәйгесенең оештыру комитетының йомгаклау утырышы булды. Анда бәйгенең җиңүчеләре билгеләнде. Җиңүчеләр арасында безнең районның өч – Әхмәт, Яңа Иглай, Егоркино авыл җирлекләре 1000000 сум Грантка ия булдылар. Максатчан юнәлештә бирелгән Грантлар авыл җирлекләре тормыш-көнкүрешен турыдан-туры тәэмин итә торган объектларның матди-техник базасын ныгытуга, социаль инфраструктура объектларын җиһазлауга, төзекләндерүгә тотылыр дип планлаштырыла.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ