Нурлат сакчылары имтихан тапшырды

Кичә һәм бүген “Витязь” шәхси сак предприятиесенең Нурлат бүлегендә чын мәгънәсендә “кызу” көн – бүлекнең 160 хезмәткәре аттестация үтә. Аттестация 3 дисциплинаны үз эченә ала: хезмәткәрләр компьютерлар артына утырып теоретик белемнәрен сыныйлар, ачык һавада вакытка физик күнегүләр башкаралар, махсус чаралардан куллану күнекмәләрен күрсәтәләр. “Витязь” сак предприятиесе хезмәткәрләре квалификацияләрен 3 елга бер тапкыр раслый икән,  аттестация сакчыларның һөнәри осталыгын тикшерү һәм үстерү максатыннан үткәрелә һәм  аны 1 елдан артыграк эшләгән һәркем узарга тиеш. “Витязь”нең Нурлат бүлегендә бүгенге көндә 200ләп хезмәткәр исәпләнә һәм алар нигездә Нурлатның нефть предприятиеләренә сак хезмәтләре күрсәтә.