ЯҢАЛЫКЛАР

“Россия почтасы” һәм “Татмедиа” ААҖнең ел саен үткәрүче конкурсына нурлатлылар да кушылды. 

Җәйге каникулларның беренче ае азагына якынлаша, димәк,  лагерьларда беренче смена тәмамлана.

25 июнь көнне Мамык авылы яшьләре һәм җирле мәктәп укучылары, Халыкара наркоманиягә һәм наркотикларның законсыз әйләнешенә каршы көрәш көне кысаларында, гасыр проблемасына карата үз карашларын махсус акциядә белдерделәр. Эш көне азагында алар мәдәният йорты каршында “Сәламәт бул, бие!” дип аталган флешмоб үткәрделәр. 

Кама аръягы һәм Нурлат тарихы төбәк музее хезмәткәрләре  “Туку тарихы” күчмә-экспозициясен  нәкъ милли бәйрәмнәрдә күрсәтү өчен оештырдылар да.Анда районда яшәүче халыкларның көнкүрешен гәүдәләндергән 80нән артык экспонат тупланган. Болар арасында эш кораллары–җеп чорнау, киндер язу, туку станогы, киндердән тегелгән милли костюмнар һәм башкалар бар. Нурлатлылар болар белән район Сабантуенда танышырга өлгерделәр инде, ул Волгоград, Казан кешеләренең дә игътибарын җәлеп итте. Ә июльнең беренче шимбәсендә узачак “Уяв” бәйрәмендә аны тагы да күп кунаклар күрәчәк әле.

Кайчандыр фонтаны, гөл-чәчәкләре белән килүчеләрне җәлеп итеп торган сквер иде, соңгы елларда ул ташландык почмакка әверелде. Ә бит янәшәдә генә шәһәр базары, көне буе кеше йөреп тора. Бактың исә, әлеге парк турында шулай уйлаучылар бер без генә түгел икән. Әмма йөрәк җыеп, аны торгызу эшенә алынучы гына күренмәде. Шуңа да тәвәккәлләп, бу эшкә районның массакүләм мәгълүмат чаралары–“Дуслык”(“Дружба”,”Туслах”) район газетасы , җирле “Нурлат” ТРКсы һәм DFm-радио алынырга булдылар. 

Һәвәскәр балыкчыларга шушы көннәрдә үз бәхетләрен сынау өчен бер дигән форсат чыгарга тора: 29 июньдә Егоркино авылы янындагы буада “Сувар” республика чуваш газетасы спорт балык тотуы буенча ачык турнир оештыра.