ЯҢАЛЫКЛАР

29 июльдә Богдашкино һәм Вишневая Поляна авылларында Рус географик җәмгыятенең “Татарстанның изге урыннары” этнографик проекты кысаларында җимерелгән гыйбадәт йортлары урыннарына истәлекле стелалар куелды. Әлеге тантанларда җирле руханилар, ТР Епарихиаль чиркәү советы, Рус географик җәмгыяте вәкилләре, район җитәкчелеге һәм әлеге авылларның халкы катнашты. Богдашкинодагы гыйбадәтханә кайбер мәгълүматлар буенча, 1888 елда төзелгән булган, соңрак ул клубка әверелгән, ә 1934 елда бөтенләй җимерелгән. Хәзер бу урында истәлеклек стела куелда. Вишневая Полянадагы гыйбадәт йорты 1790 елда төзелгән, аны 140 елдан соң җимерәләр. Әлеге урынга да стела куелды. Авыл халкы исә узган ел биредә гыйбадәтханә төзү өчен акча җыя башлаган. 

Быел районда 4 ферма республика терлекчелек фермаларын капиталь ремонтлау һәм төзү дәүләт программасы ярдәмендә капиталь төзекләндереләчәк. 

Быел районда 1нче сыйныфка барачак 600дән артыграк  укучының барысы да Белем көнендә бүләккә “Беренче сыйныф укучысының мәдәни көндәлеген” алачаклар. 

Бүген, 28 июльдә районның 41 мәчетендә Ураза бәйрәменә багышлап гает намазы укылды. Базар яны мәчетендә бәйрәм намазын, вәгазьләрне  район мөхтәсибе Айрат хәзрәт Әюпов алып барды. Гает иртәсендә район башлыгы Равиль Кузюров  Киекле авылы һәм шәһәрдәге базар яны мәчетләрендә булып мөселманнарны бәйрәм белән котлады.