ЯҢАЛЫКЛАР

Узган шимбәдә Яшел Үзәндә узган “Салават күпере – Радуга” балалар – үсмерләр милли мәдәниятенең өченче Республика фестивалендә   “Эсперансо” (җитәкчесе Ольга Ильина), “Дети солнца” (Динара Хәсәнова), “Незабудки” (Надежда Хворостьева) хореография төркемнәре, “Нәфис сүз” номинациясендә балалар иҗаты үзәгеннән Раяна Шәкүрова уңышлы чыгыш ясап кайттылар.

18 апрельдә Галимҗан Хөсәенов исемендәге балалар-үсмерләр спорт мәктәбе бассейнында район Беренчелегенә йөзү ярышлары үтте.

Бүген Нурлатның мәдәният сараенда "Дуслык" район газетасы каршында  20 елдан артыграк эшләп килүче "Нурлы як" иҗат берләшмәсенең шигрыять кичәсе үтте.

 “Коммунальник” торак-коммуналь ширкәтенә караган К.Маркс урамының 6нчы һәм Гагарин урамының 14нче йортларында яшәүчеләр шимбәне көтеп тормадылар, пәнҗешәмбе көнне кичке якта  өмәгә җыелыштылар.

Тиздән Казан Кремле Манежында ачылачак “Җиңүнең 70 портреты” күргәзмәсенә Нурлат ветераннарының портретлары да кертеләчәк.

“Президент белән бергә” республика иҗтимагый хәрәкәте форумында игълан ителгән “Язгы игелек атнасы–игелекле эшләр эстафетасы” ирекле акциясе  20–27 апрельдә үтәчәк.

15 апрельдән республикада язгы кыр эшләре барышында хезмәтне саклау айлыгы башланды. Айлык барышында хезмәтне саклау һәм язгы кыр эшләрен куркынычсыз башкару, бәхетсезлек очракларын булдырмау  максатыннан төрле чаралар үткәреләчәк, дип хәбәр итәләр районның авыл хуҗалыгы һәм азык-төлек идарәсендә.  Бу чорда шулай ук кыр эшләрендә катнашучы механизаторлар белән чираттан тыш инструктажлар да үткәрәчәкләр.

2нче мәктәп укучылары агачлар утырту сезонын Җиңүнең 70 еллыгы хөрмәтенә истәлек аллеясе салудан башладылар.

“Минем булачак һөнәрем” - Нурлат халкының мәшгульлеге үзәге эшче һәм инженер һөнәрләрне популярлаштыру максатыннан игълан иткән шул исемдәге район бәйгеләрендә төрле яшьтәге балалар катнаша ала. Мәсәлән, 6-7 яшьлек сабыйлар һәм 1-5 сыйныф укучылары өчен рәсемнәр бәйгеләре старт алды. Ә 6–10 сыйныф укучылары үз көчләрен  иншалар бәйгесендә сынап карый ала.

“Чыршыкай” балалар бакчасы коллективы 2015 елның икенче яртыеллыгында “Дуслык” район газетасын альтернатив вариантта алдырачак.