Нурлат игелек атнасына кушыла

“Президент белән бергә” республика иҗтимагый хәрәкәте форумында игълан ителгән “Язгы игелек атнасы – игелекле эшләр эстафетасы” ирекле акциясе  20–27 апрельдә үтәчәк.

Атналык безнең районда да киң эчтәлекле булып, төрле юнәлешләрдә игелекле гамәлләр белән үтәргә тиеш – бүген, 17 апрельдә, район башкарма комитеты җитәкчесенең социаль үсеш буенча урынбасары Әлфия Галәветдинова оештыру утырышында шундый таләпне җиткерде. Утырышта һәр тармак акция барышында башкарасы эш планнары белән уртаклашты, кызыклы фикерләр җиткерелде.