ЯҢАЛЫКЛАР

Атна дәвамында гимназиянең 8нче сыйныф укучылары – барлыгы 20 егет һәм кыз “Кадетлар туры” дип аталган экскурсион сяхәттә булачак. Укучылар теплоходта Казан, Ульян, Түбән Кама, Алабуга, Чистай шәһәрләренә, Зөя утравына сәяхәт кыла. Әлеге тур аларга ТР ДОСААФының Нурлат районы бүлеге аша оештырылган.

“Тормыш иминлеге нигезләре” курсын укучыларга өйрәтү буенча иң яхшы мәгариф учреждениесе район смотр-конкурсына нәтиҗәләр ясалды.

Гостехнадзорның Нурлат районы һәм шәһәре бүлеге 8 июньнән “Трактор-Таккыч” профилактик операциясенә кушыла. 30 июньгә кадәр дәвам итәчәк профилактик операция  үзйөрешле машиналар һәм таккычлар катнашындагы хокук бозулар һәм юл-транспорт һәлакәтләрен кисәтү максатыннан үткәрелә.

Быел Рамазан ае 18 июньнән башлана, республика мәчетләрендә беренче тәравих намазы 17 июньдә укылачак.

Халыкның уртак тырышлыгы белән шәһәрнең яңа татар зиратындагы зират йортына янкорма төзелде.
- Зират йортын моннан 5 ел элек төзеп куйган идек инде, әмма ул кысанрак. Шуңа да җирләү кирәк-яракларын кую өчен янкорма төзергә булдык, - ди бу эштә башлап йөрүчеләрнең берсе Зөфәр ага Гыймаев. Зөфәр ага – заманында шикәрчеләр бистәсендәге мәчет төзелешендә дә башлап йөргән аксакалыбыз. Хәзер исә яңа татар зиратында тәртип булдыру өчен янып йөри.

Нурлат җирлекара үзәк китапханәсе барлык теләүчеләрне дә Россиядә Пушкин көненә багышланган иҗади кичәгә чакыра. Бөек классикның үлемсез иҗаты турында сөйләшүгә җирле авторлар, “Салават күпере” шигырь сөючеләр клубы әгъзалары да кушылачак. Кичә 6 июньдә китапханәнең уку залында көндезге 3тә башланачак.

Бүген район  хуҗалыкларында азык әзерләү техникасының, азык саклау урыннарының әзерлеген составында авыл хуҗалыгы һәм азык-төлек министрлыгы вәкилләре булган комиссия республика смотр-конкурсы кысаларында тикшерде.

Кичә, 1 июнь көнне Колбай Морасадагы Габдулла Кариев музеенда  “Татарстан-яңа гасыр” республика телевидениесенең “Әдәби хәзинә” тапшыруыннан  режиссер Зөлфирә Мөхәммәдиева җитәкчелегендәге төшерү төркеме булып китте. Төркем бирегә  татар профессиональ театрына нигез салучы якташыбызы турында тапшыру әзерләргә килгән.