ЯҢАЛЫКЛАР

2
июнь, 2015 ел
сишәмбе
Гомерләре китап язарлык
Узган шимбә көнне “Жизнь прожита не зря” китабын тәкъдир итү булды.
Халкыбызда гыйбрәтле гомер юлы үткән кешеләр турында: гомерләре китап язарлык, дию гадәте бар. Наҗия һәм Мөбин Фәхриевлар тормышына, нәселенә багышланган “Жизнь прожита не зря” китабы белән танышкач исә “Китап язар өчен шундый тормыш юлы үтү кирәктер” , дигән уй туа. Шимбә көнне әлеге китапны тәкъдир итү кичәсенә җыелучылар чыгышында да  шул ук фикер еш кабатланды.
Яңа Әмзәдә ветеринария пункты булачак
Яңа Әмзәдә республика программасы буенча участок ветеринария пункты төзелеше тәмамланып килә.
Әлеге ветеринария пункты якын-тирәдәге 10 авыл һәм “Кызыл Шәрыкъ” җәмгыятенең Кычытканлы һәм Колбай Мораса бүлекчәләренә хезмәт күрсәтәчәк. Бу – районда әлеге республика программасы буенча төзелүче икенче ветеринария пункты.
Нурлатта: ветеринария лабораториясендә ремонт төгәлләнә
Гыйматдинов урамындагы ветеринария лабораториясендә капиталь ремонт төгәлләнеп килә. Биредә республика программасы буенча бинаның түбәсе ике яклы итеп корылды, тәрәзәләр алмаштырылды, стеналар сайдинг белән тышланды һәм ике бүлектә идәннәр тиешле таләпләр буенча ясалды.
1
июнь, 2015 ел
дүшәмбе
Традицияләр авылны саклый
Шимбә көнне Урта Чаллы авылының матур табигатьле әрәмәлегендә узган Авыл көне барлык авылдашларны бергә җыйды. Биредә мондый бәйрәмне өченче тапкыр инде Әбделганиевлар гаиләсе оештыра. 
Зыян күргән эшмәкәрләргә ярдәм күрсәтеләчәк
Кичә  район башлыгы Равил Кузюров иртә белән  булган янгын уңаеннан эшмәкәрләр белән киңәшмә үткәрде. Төп тема буларак зыян күргән эшмәкәрләргә ярдәм оештыру мәсьәләсе каралды. Эшмәкәрләрне зыян күргән биналарда ремонт тәмамланганчы түләүсез шартларда "Радуга", Империя" сәүдә үзәкләрендә  һәм үзәк базарда  сәүдә урыннары белән тәэмин итәргә дип хәл ителде. Моны эшмәкәрләр уңай кабул иттеләр. Шунда ук эшмәкәрләрнең кредит тарихын ачыкларга, юридик нигезләп ярдәм фонды оештырырга килешенде. Билгеле, тиз арада янгын калдыкларын чистартырга матди зыянны ачыкларга һәм товарларны яңа нокталарга күчерергә булышырга дигән күрсәтмә дә бирелде.
 Киңәшмәдәнсоң ук КЧС утырышы үтте. Анда кадәттән тыш хәлгә җентекле анализ ясалды, район башлыгы Равил кузюров тарафыннан җаваплы затларга янгын нәтиҗәләрен бетерү һәм киләчәктә мондый хәлләргә юл куймау өчен профилактик чараларны көчәйтү буенча тиешле күрсәтмәләр бирелде.
"Пятерочка" һәм "Спецодежда" универсаль кибетләрендә янгын
Нурлат муниципаль районы башкарма комитеты 2015 елның 31 маенда 06.35 сәгатьтә Кооперативная ур., 8нче йорт адресы буенча урнашакан "Пятерочка" һәм "Спецодежда" универсаль кибетләрендә янгын чыгуы турында хәбәр итә.
Әлеге кибетләр янәшәсенә 16 шәхси эшмәкәр сәүдә мәйданы арендалаган "Нурлатский" СҮ, шулай ук "Торговый дом Инструмент", "Бегемотик", Fixпрайс", "Вирсавия" кибетләре урнашкан. Бинаның милекчеләре - Нурлат шәһәренең 3 шәхси эшмәкәре. Янгынны сүндерүгә ашыгыч рәвештә районда булган барлык көч һәм средстволар җәлеп ителде. 50 кешедән артык янгын расчеты һәм 18 берәмлек махсус техника тартылды, Өзеклексез су белән тәэмин итү оештырылды. Шулай ук урам янгынга каршы гидрантлары файдаланылды. Самара өлкәсе Чаллы башы, Кошки районнары, күрше Аксубай һәм Чирмешән районнары янгынга каршы службалары тарафыннан өстәмә ярдәм күрсәтелде. 
Янгынның күрше биналарга күчүенә юл куелмады. Янгынның төп учагы  07.50 сәгатьтә бастырылды, 08.30 сәгатьтә ул тулысынча сүндерелде. Корбаннар һәм тән җәрәхәте алучылар юк. Нигездә, бина түбәсе һәм икенче каттагы биналар зыян күрде. Янгын мәйданы 490 кв.м. булды, матди зыян ачыклана. 
Пожар сәбәбенең төрле версияләре карала: электр җиһазларын, файдалану кагыйдәләрен бозу һәм шул исәптән усаллык белән ут төртү. Урында тиешле комиссияләр эшли, аларның нәтиҗәләре буенча чаралар күреләчәк һәм гаеплеләр җәзаларын алачаклар.
Янган конструкцияләрне сүтүгә  "ТКХ ИК" МУПы, "Промочистка" ОООсы һәм "Нурлатлес" ДБУсы көче тартылды. Милек хуҗалары тарафыннан аларны ремонтлау буенча әзерлек эшләре башланды. Хәзерге вакытта район җитәкчелеге тарафыннан шәхси эшмәкәрләрне башка сәүдә урыннарына күчерү һәм беренче чиратта кирәкле ярдәмне күрсәтү мәсьәләсе хәл ителә. 
Район башкарма комитеты контактлары: 2-06-14, Nurlat.Ispolkom@tatar.ru
Дәүләт ярдәме: эш башларга – 900 мең
Иске Әмзәдән крестьян-фермер хуҗалыгы башлыгы Маннур Сәйфетдинов “Эш башлаучы фермерларга ярдәм” конкурсының 1нче турында катнашып, 900000 сум күләмендәге Грантка ия булды. Әлеге сумманың 630 меңе – федераль, 270 меңе республика бюджетыннан финанслана. Фермер бу акчаларга 15 баш сыерга исәпләнгән сөтчелек фермасы төзергә ниятли. Республикада исә  әлеге программа буенча Грантка 140 фермер дәгъва кылган, шуларның  47се җиңү яулаган. Эш башлаучы фермерларның әле программаның икенче турында да катнашу мөмкинлеге булачак. 
 
Нурлатта балачак хыяллары тормышка ашты
Бүген, 1 июнь – Халыкара балачак  көне бәйрәмендә 30дан артык балага лагерьларга юлламалар  тапшырылды.
 Бәйрәм быел да балаларны, шәһәрлеләрне, кунакларны паркка җыеп зур бәйрәм булып үтте. Капка төбеннән каршы алган әкият геройлары кунакларга төрле чараларны сайларга булышты.  Балаларны бәйрәм белән котларга килгән район башлыгы Равил Кузюров  бәйрәмнең киң колач белән узуын билгеләп баларга җәйге каникулларның онытылмаслык буын теләде.
Нариманда Авыл көне узды
Нариман авылы узган шимбәдә җәйге сезонга керде. Гадәттәгечә, кышы буе бер кешесез, урман белән уратып алынган аулакта “йоклаган” авылны иң беренчеләрдән булып Рифкать Фәрдиев кайтып уята.  Кайчандыр Нариманда туып-үскән, бүген республикада билгеле җитәкче – Зәй шәһәренең “Икмәк кабул итү прдеприятиесе” җәмгыяте директоры Рифкать Фәрдиев быел да нариманлыларны Авыл көненә аланлыкка җыйды. 
31
май, 2015 ел
якшәмбе
"Тямаев-фест" бәйрәменә күрше өлкәләрдән дә килделәр
Бүгенге бәйрәм "Тямаев-фест" тантаналы чара булып үтте. Бәйрәмгә кунаклар Нурлаттан гына түгел, курше Самара һәм Ульяновск өлкәләреннән дә җыелдылар. Җыр һәм күңел ачу бәйрәме үзенә ат чабышлары, милли көрәш кебек милли бәйрәм - Сабантуй элементларын да җыйды. Район башлыгы исеменнән кунакларны бәйрәм белән район башлыгы урынбасары Флюра Ногманова котлады. Ул бәйрәм оештыручы- бәйрәмгә әзерләнү эшләрен алып барган һәм үз өстенә финанс чыгымнарын алган Фирдүс Тямаевка һәм аның  дусларына олы рәхмәтләр белдерде. Мәйданда җырлар һәм күмәк күңел ачу 16 сәгатькә хәтле дәвам итте.
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнарның мөрәҗәгатьләре
Телефон: 8 (84345) 20601, 20602,20027
Факс: (84345)20603
E-Mail: nurlat@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International