ЯҢАЛЫКЛАР

Россиядә Әниләр көнен ничек истә калырлык итеп үткәрергә? Кичә “Татарстан хатын-кызлары” оешмасының Нурлат бүлеге президиумы әгъзалары утырышында катнашучылар нәкъ шул мәсьәләне карадылар. Бәйрәмне 27 ноябрьдә шәһәр мәдәният сараенда үткәрергә килештеләр.

14–16 ноябрьдә Казанда Бөтенроссия Самбо көненә багышлап ТРның Самбо буенча федерациясе кубогына ярышлар үтте. Ярышларда Татарстан Республикасынннан 170 көрәшчене берләштергән 15 команда чыгыш ясады. Бәйгедә безнең районнан  Галимҗан Хөсәенов исемендәге спорт мәктәбеннән дүрт самбочы катнашты. Яшь көрәшчеләрнең нәтиҗәләре куанырлык.

Кичә, 12 ноябрьдә Мәскәүдә үткән “Бердәм Россия” Бөтенроссия сәяси партиясенең җирле бүлекчәләр форумында катнашкан Татарстан делегациясе составында партиянең җирле бүлекчәсе секретаре, район башлыгы Равил Кузюров та бар иде.

Бүген, 13 ноябрьдә, район Советында район башлыгы Равил Кузюров һәм Дәүләт Советы депутаты Шамил Яһудин катнашында өченче сессия үтте.

Киләсе атнадан коррекцияләүче интернат-мәктәптә толерантлык атналыгы башлана. Атналык планы нигезендә укучылар белән милләтара дуслык, татулык темасына рәсемнәр конкурсы, тренинглар, сыйныф сәгатьләре һәм  “Карачкы” (“Чучело”) фильмы буенча фикер алышу үткәреләчәк.

Шул көннәрдә Мамык авыл җирлеге Советының чираттагы сессиясе үтте. Анда депутатлар Мамык авыл җирлеге башлыгы Алия Ахуньянованың үз теләге буенча вазифасыннан лаеклы ялга китүе турындагы гаризасын карадылар.

Бүген районда “ Массакүләм халык йөри  торган урыннарны террорчылыктан саклауны тәэмин итү, РФ Хөкүмәте Карары нигезендә  массакүләм халык йөри торган урыннарның иминлек паспортларын булдыру” темасына семина-киңәшмә үтә.

Ел ахырына кадәр 107 кеше – пенсионерлар һәм бюджет өлкәсендә эшләүчеләр “Нурсан” шифаханәсендә ял һәм дәва алачак. Шифаханә  ТРның Хезмәт, мәшгульлек һәм социаль яклау министрлыгы үткәргән конкурсның дүртенче траншында җиңеп шундый хокук яулады. Биредә республиканың төрле районнарыннан ял итүчеләр булачак, ә шифаханәдә  аларга тулы канлы ял һәм шифа бирү өчен барлык шартлар да тудырылган.

Бу юлы да район һәм шәһәр башлыгы Равил Кузюров җитәкчелегендә үткән гомумшәһәр планеркасында иң өлгергән мәсьәләләр каралды. “ТКХ ИК” МУПы җитәкчесе Ранис Рәхмәтуллин шәһәр хуҗалыгының кышка әзерлеге турында хисп тотты. Ул техниканың әзерлеген 90 процент дип билгеләде. Быел МУП район ярдәме белән берничә яңа махсус техника белән баетылган, хәзер өстәмә көчләр җәлеп итү буенча килешүләр төзелә, юлга сиптерү материаллары туплана. НУАД начальнигы Фидаил Садыйков та үзләренә беркетелгән юлларны карап торуда проблемалар булмаячак, дип ышандырды. Район башлыгы булган техниканы нәтиҗәле файдалану кимрәклеген ассызыклады, авыл мәктәпләренә юлларның һәрчак ачык булырга тиешлеген искәртте.

Сезне чын йөрәктән дәүләт бәйрәме - Татарстан Республикасы Конституциясе көне белән котлыйм!