ЯҢАЛЫКЛАР

Быел “Иң яхшы билингваль балалар бакчасы” республика Грантын алу өчен Нурлат районыннан ике – “Әкият” һәм “Камыр Батыр” балалар бакчасы заявка биргән.

Мамыктан Вячеслав Павлов өчен кышкы Олимпия уеннары күптән башланды инде: тәҗрибәле шофер гыйнвар башыннан бирле Сочида спортчылар, матбугат вәкилләрен, кунаклар ташу белән мәшгуль. Без шалтыраткан вакытта да төнге рейстан кайтып керүе генә иде әле.

30 гыйнварда кичке 7дә шәһәр Мәдәният сараенда “Татар моңы - 2010” конкурсы җиңүчесе, “Болгар радиосы” милли музыка премиясе лауреаты үзенең беренче концертына чакыра. Бу көнне якташыбыз “Мирас” инструменталь ансамбле һәм иҗатташлары белән нурлатлыларга чын  җыр-моң бәйрәме вәгъдә итә. Концертка рәхим итегез! Билетлар-кассада.

2014 елда район төзүчеләрен зур эш күләме көтә.

Электр энергиясе өчен башка төр торак-коммуналь хезмәтләрдән аерым түли башлавыбызга берничә ай үтте. Инде бу вакытка ничек итеп зур ОДНнар түләмәскә кирәклеген өйрәнеп җиткән булсак (элек аерманы үз акчасы белән ТСЖ түли иде), хәзер аны һәр кулланучыга туры килгән гомуми мәйданнан чыгып исәплиләр һәм бүләләр. Әмма түләүләрне ресурслар белән тәэмин итүче оешмаларга кертә башлау белән ОДН проблемасы янә калкып чыкты.

Шул көннәрдә Мәгариф учреждениеләре хезмәткәрләре профсоюзы район Советы, район башкарма комитеты һәм мәгариф идарәсе арасында өчьяклы территориаль килешү төзелгән. Ул 2016 елга кадәр гамәлдә булачак.

Гыйнвардан Мамык гомумбелем бирү мәктәбендә яраклаштырылган программа буенча белем бирүче сыйныф эшли башлады. Бу мәктәпнең адаптирлаштырылган программа буенча укучылар өчен белем бирү эшчәнлеген алып баруга лицензия алуы нәтиҗәсендә мөмкин булды.

Бүген, 22 гыйнварда Нурлатка республика мәгариф идарәләре җитәкчеләренең тәрбия эшләре буенча урынбасарлары җыела.
Гимназия базасында узучы “Мәгариф мохитында балигъ булмаганнарның суицидаль тәртибен профилактикалау” дигән темага республика семинарында безнең район педагоглары ачык дәресләр, мастер-класслар бирә.

Агымдагы ел  Мамык авылы җирлеге өчен матур хәбәрләрдән башланган. Быел биредә район башлыгы Равил Кузюров инициативасы буенча  полициянең участок уполномоченныйлары өчен йорт төзелә башлаган.