ЯҢАЛЫКЛАР

Бүген, 7 мартта ТР Министрлар Кабинетында Президент Рөстәм Миннеханов рәислегендә узган традицион киңәшмәдә видеоконференция режимында нурлатлылар да катнашты.

Бәйрәм алдыннан без районның җитәкче  ир-егетләренә хатын-кызларның  нинди сыйфатларын ошатасыз дигән сорау белән мөрәҗәгать иттек.

Ниһаять, егерме елдан артыклык тәнәфестән соң, Нурлатта зур футбол көтелә. 8 мартта көндезге 2дә шикәрчеләр бистәсе стадионында Нурлат “Факелы” Казанның “Дентра” командасын кабул итәчәк. Әлеге матч республика Ачык футбол Лигасының чираттагы туры кысаларында уздырыла.

Иртәгә ЮХИДИ бүлеге хезмәткәрләре Халыкара хатын-кызлар көне уңаеннан район юлларына бәйрәм акциясе белән чыга.
Хезмәткәрләр гүзәл затларны иң элек бәйрәм белән котлап, чәчәкләр бүләк иткәч кенә документларны тикшерәчәк. Хатын-кызларны бәйрәм белән котлау –  бездәге традицияләренең берсе. Һәм бәйрәм көннәрендә ир-ат машина йөртүчеләр барлык хатын-кызларга, шул исәптән җәяүлеләргә дә игътибарлы булыр дип өметләнәбез, диләр ЮХИДИ хезмәткәрләре.

Бүгеннән алар “Кызыл Шәрыкъ”ның “Биләр” ВЗПсы составына кушылдылар. Кичә Әмзә авыл җирлегендә үткән җыенда халык шулай хәл итте.
Әмзә соңгы елларда инвесторларның “бәхәс алмасы” да булды, ике хуҗалы чорны да кичерде, ә узган елның көзеннән бар булган мөлкәте таратылып-сибелеп бөтенләй таркалуга килеп җитте.

Кичә, 4 марттан, “Промочистка” җәмгыяте шәһәр үзәгендә халыкка чиста су китерүне оештырды.

Украинадагы гражданнар конфликты яңалыклардан һәм халык теленнән бер дә төшми. Аннан җәмәгатьчелекнең игътибары Кырымга юнәлде, анда да хакимият өчен көрәш башланды. Конфликтны көйләүгә хәзер Татарстан да кушылды.

Бүген һәм иртәгә районның өч сыйныф җитәкчесе – гимназиядән Элеонора Хөсәенова, шәһәрнең 1 нче урта мәктәбеннән Халидә Шарапова, 8нче урта мәктәптән Роза Сафина “Ел сыйныф җитәкчесе - 2014” Республика конкурсының зона турында чыгыш ясый. Кама аръягының  5 район вәкиле катнаша торган конкурс гимназия базасында уза.

Апрель азагында Алабуга шәһәрендә узачак “Яшел ут” республика конкурсында район данын шәһәрнең “Әкият” мәктәпкәчә белем бирү учреждениесе һәм “Тирмәкәй” балалар бакчасы тәрбиячесе Татьяна Митина яклаячак. Шунысын әйтергә кирәк, “Әкият”леләрнең әлеге конкурсның Республика турында беренче генә катнашуы түгел инде, коллектив 2001 елда призлы III урынны яулаган иде.