ЯҢАЛЫКЛАР

Россия МВДсының Нурлат районы бүлеге бүләк бәрабәренә гражданнардан законсыз сакланучы коралларны кабул итә.

“Ледок” Спорт сараеның бер төркем хезмәткәрләре эшче яшьләрнең иҗат фестиваленнән призлы дүрт урын белән кайттылар.

Агымдагы елда Яңа Иглай авыл җирлеге 1 миллион сумлык грантка ия булды. “Иң яхшы авыл җирлеге” республика конкурсында катнашып откан средстволарга авыл җирлеге башкарма комитеты Якты Күл авылындагы суүткәргеч системасын яңартмакчы.

Бүген, 27 сентябрьдә Гыйматдинов урамындагы сәүдә мәйданында Халыкара өлкәннәр көненә багышланган авыл хуҗалыгы ярминкәсе уза. Ярминкәгә районның барлык авыл хуҗалыгы продукциясе җитештерүчеләр – фермерлар, крестьян-фермерлык хуҗалыклары, шәхси эшмәкәрләр, 26 авыл җирлеге, җәмәгать туклану предприятиеләре халыкка чамалы бәяләрдән яшелчә, сөт, ит продукциясе, бөртек, шикәр кебек беренчел продукция тәкъдим иттеләр. 

Тәрбияче көненең тарихы Россиядә 1863нче елга барып тоташа. Нәкъ менә 27 сентябрьдә илебездә беренче мәктәпкәчә балалар учреждениесе ачыла. 

Бу көннәрдә районара почтамт җитәкчелеге шәһәрдә вакытлы матбугат сату һәм түләүләр кабул итү өчен 4нче киоск ачу мәшәкатьләре белән яши. Шәһәрнең үзәк, Яшьлек һәм тимер юлчылар бистәсендәге киосклары янына хәзер Кариев урамында тагы берәү өстәләчәк.

Моннан тыш, Түбән Чаллыда да почта бүлекчәсен мәктәп бинасына күчерү белән мәшгульләр. Ул да якын арада авыл халкына үз хезмәтләрен яңа бинада күрсәтә башлаячак.

Бу көннәрдә шикәрчеләр бистәсендәге Халыклар дуслыгы паркында төзелеш эшләре башланып китте – подрядчы оешма эшчеләре паркның тирәсен коймалау белән мәшгуль. Билгеле булганча, парк “Бердәм Россия” партиясе инициативасы белән үткәрелгән халык социаль проектлары конкурсында җиңеп алынган Грант хисабына ясала.