“Ледок”лылар сәхнә шаулатты

“Ледок” Спорт сараеның бер төркем хезмәткәрләре эшче яшьләрнең иҗат фестиваленнән призлы дүрт урын белән кайттылар.

Фестивальнең зона туры Әлмәт шәһәрендә үтте һәм анда 8 команда көч сынашты. Нурлат данын яклаган “Ледок” коллективында Эльмира Садыйкова, Игорь Тарасов, Нәзилә Гыймадиева, Наталья Горшкова, Эльвина Вәлиева, Ксения Пайрамова һәм Әлфия  Гайнетдинова чыгыш ясадылар. Нәтиҗәдә, Нурлат яшьләре дүрт номинациядә призлы урыннарга ия булдылар. Мисал өчен, “Хореография” номинациясендә “Цыганочка” номеры белән чыгыш ясап, “Иҗади эзләнү өчен” II урын алдылар. “Минута славы” номинациясендә тасмалар белән нәфис гимнастика тамашасы күрсәткән кызларга да II урын бирелде. Мәртәбәле жюрига “Ледок”ның визиткасы да ошады: аларның “Морозко” әкиятенә нигезләнеп ясалган тамашалары “Артистлык өчен” шулай ук II урын белән бәяләнде. Моннан тыш, боз сарае яшьләре стенгазеталар бәйгесендә дә III урын алдылар. “Минута славы”да чыгыш ясаган ике кызыбыз – Эльвина Вәлиева һәм Ксения Пайрамова гала-концертка да сайлап алындылар. Дөрес, жюри безнең визиткабызны да бик ошатып, төп концертка үтәкргән иде, әмма фестиваль уздырылган мәдәният йортының техник мөмкинлекләре чикле булганга, “визиткабыз” сәхнәгә чыкмый калды. Гомумән, фестивальдә иҗади яктан көчле яшьләр күп иде, һәм без үзебезнең чыгышларыбыздан канәгать калдык”, – дип тәэсирләрен уртаклашты “Ледок” Боз сарае методисты Эльмира Садыйкова. 

“Ледок”лылар исђ фестивальгђ баруны оештырганнары љчен район башкарма комитеты ќитђкчесе Ђсхђт Габдуллинга, башкарма комитетныћ яшьлђр эшлђре џђм спорт бњлеге ќитђкчесе Ђнђс Нђбиуллинга рђхмђтле. Шулай ук бу уңышларында фестивальгә әзерләнүдә булышкан балалар сәнгать мәктәбенең, “ТатРИТЭКнефть” җәмгыятенең профком рәисе Гүзәл Әһлиуллинаның да өлеше зур диләр.