ЯҢАЛЫКЛАР

Халык сынамышлары буенча, октябрь җылы икән, кыш суык булачак.

Соңгы ике атнада Нурлат районыннан “Яңарыш” тарихи һәм мәдәни мирасны торгызу республика  фондына 600 меңнән артык акча күчерелгән.

Район башлыгы Равил Кузюровның фондка ярдәм күрсәтүдә активлыкны арттырырга дигән чакыруын “Татнефтепром- Зүзеевнефть” коллективы иң беренче булып күтәреп алган. Нефтьчеләр үзләренең бер көнлек хезмәт хакларын күчерергә хәл иткәннәр һәм иң күп акча–513 мең сум алар исәбеннән кергән. Бу чорда фондка иганәчелек күрсәтүчеләр арасында “Континент” төзелеш фирмасы, “МАКойл”, Нурлат элеваторы, Нурлат бораулау эшләре предприятиесе, “Теплотехсервис”, бердәм исәп-хисап үзәге, “Ледок” боз сарае, аграр техникум, МФЦ коллективлары да бар. Биляр Озеро, Яңа Иглай, Сәләнгеш, Яңа Тумба, Тимерлек, Заречный, Елаур, Төрнәс һ.б. авыл җирлекләре дә әлеге эшкә җаваплы караганнар. Равил Кузюров гомумшәһәр планеркасында аларның һәммәсенә рәхмәт белдерде. 

Көзге чакырылышта районнан армия сафларына китәчәк 85 егетнең тәүге партиясе ноябрьнең беренче декадасында юлга кузгалачак.

20 октябрьдә район башлыгы Равил Кузюров гомумшәһәр планеркасын Нурлатның 105 еллыгына багышланган  бәйрәм чараларын әзерләүдә һәм үткәрүдә өлеш керткән һәркемгә рәхмәт әйтүдән башлады. Аннан район башлыгы  яңа ЮХИДИ начальнигын тәкъдир итте. Ул – полиция майоры Рөстәм  Рамил улы Гарипов, 1982 елда туган, моңарчы Чистай районы  ЮХИДИендә РЭО начальнигы булып эшләгән.

Чараның тантаналы өлешен ачкан район башлыгы Равил Кузюров чыгышын  бәйрәм атмосферасы тудыручы нурлатлыларга рәхмәт сүзләреннән башлады.

- Үзенчәлекле һәм мөһим бәйрәм, - диде район башлыгы тарихи үсеш юлларына тукталып. – Шул еллар эчендә кечкенә генә станция перспективалы шәһәргә әверелде. Әмма биредә яшәүчеләрнең кече ватанына мәхәббәте генә  үзгәрешсез калган. Тарих дәвам итә, һәм нурлатыбызны алдагы көннәрдә тагы бик һәм матур үзгәрешәр һәм казанышлар көтә әле. Шуларның берсе якын арада үзәк мәйданны ачу булачак.  Ә бәйрәм көннәрендә без шәһәребезнең үсеш башында торучыларны искә алып, рәхмәт сүзләре җиткерәбез. 

Ә бәйрәм бүләксез була диме инде! Бу көнне 40 елга якын гомерен тимер юл транспорты машинисты булып эшләгән Виктор  Мытаревка “Нурлат шәһәренең Мактаулы гражданы” дигән исем бирелде.

Район җитәкчелегенең мондый кадер-хөрмәтенә тимер юлчы Виктор Мытарев  бик сөенде.

- Минем өчен туган шәһәрем Нурлат бөтен нәрсәне алмаштыра, - ди Виктор Иванович. – 1954 елдан 93 елга кадәр тимер юлчы булып эшләдем. Соңгы еллардагы шәһәрдәге үзгәрешләрне күреп, могҗиза-шәһәрнең Мактаулы гражданы булуыма сөенәм. 

Бәйрәмдә район башлыгы  иң абруйлы конкурста җиңү яулаган Россиянең ел укытучысы Алла Головенькинаны котлап, Татарстанның атказанган укытучысына Грамота һәм 100 мең сумга сертификат тапшырды. 

Бәйрәмебез кунаклары – район кураторы, Республиканың баш санитар табибы Марина Патяшина, Татарстан Республикасы Дәүләт Советы депутаты Илгиз Салихов та юбиляр шәһәргә, аның уңган халкына иң җылы теләкләрен юлладылар. 

Масштаблы чарадан районның бер генә предприятиесе, хезмәт коллективы , диаспоралары да читтә калмады. Бәйрәм парады, шәһәрнең үткәнен һәм бүгенгесен яктыртучы театрлаштырылган тамаша  күпмилләтле Нурлатның милләтара татулыкта, үз культурасы белән яшәвен,  шәһәрнең иннновацион һәм индустриаль үсешен күрсәтте.  Нурлатның  үзәк мәйданында тимер юл, төзелеш, шикәр заводы, авыл хуҗалыгы һәм эшкәртү сәнәгате, нефть, мәгариф, сәламәтлек саклау тармагы хезмәткәрләре һәм ветераннары, кече ватаныбызны данландырган кешеләр, районыбызның Мактаулы гражданнары, спортчылар һәм яшь гвардиячеләр, яңа өйләнешүчеләр колонналары шәһәребезнең үсеш юлларын ачып бирде.

Шәһәрнең юбилеен танылган якташларыбыз Татарстан Республикасы буенча федераль инспектор Ренат Тимерҗанов, ТР Дәүләт Советы депутаты “Агроинвест” Идарәче компаниясе генераль директоры Рәис Сөләйманов, “Болгар” хәйрия фонды җитәкчесе Фәрит Мифтахов, күрше Аксубай, Чирмешән районы башлыклары Камил Гыйльманов, Наил Зарипов, республика министрлыклары һәм тармаклары, район оешма – предприятиеләр җитәкчеләре уртаклашты.

Шәһәр бәйрәме мәдәни чаралар белән үрелеп барды. Шәһәр мәдәният сараенда башкалабыз артистлары Рөстәм Асаев, Айдар Габдинов, Гөшат Имамиева, Сирень Зәйнетдинова, “Казан нуры” оркестры, “Казан” бию ансамле һәм районыбыз үзешчәннәре сәламләде. Бәйрәмгә ноктаны аэропорт территорясендә Россия эстрада йолдызлары - Наталья Гулькина, “Звезды” шоу-балеты,  “Кар-мен” төркеме һәм Сергей Лемох, Николай Тимофеев, “Дискотека” төркеме һәм зур бәйрәм фейерверкы куйды.

Көндезге 12дән шәһәрнең Карл Маркс һәм Совет урамнарында авыл хуҗалыгы ярминкәсе гөрли. 

Нурлатның 105 еллыгы  зур масштаблы, истә калырлык тарихи чара булып үтте. Юбилейны яраткан шәһәребез тагын да матураеп, төзекләнеп каршы алды.

 

ХӨРМӘТЛЕ НУРЛАТЛЫЛАР!