ЯҢАЛЫКЛАР

“РФда түләүсез юридик ярдәм турында” федераль һәм ТРның “Татарстанда гражданнарга  түләүсез юридик ярдәм күрсәтү турындагы”   Законнары нигезендә, түләүсез юридик ярдәм дәүләт системасы нигезендә  юридик ярдәмнең барлык төрләрен түләүсез алырга хокуклы гражданнарның 11 категориясе билгеләнгән. 

Балалар сәнгать мәктәбе укучылары “Волга в сердце впадает мое” Халыкара конкурс-фестивалендә катнашып, бүләкләр янчыгын тулыландырдылар. 

Район хастаханәсенең балалар бүлеген чирләп киткән кечкенә пациентларның терелү чорындагы  икенче өе дип әйтергә була. Шуңа да биредә балалар һәм аларның әниләре өчен уңайлы мохит тудырырга трышылар. Ә дүшәмбе көнне биредә Казанның 4нче сәнгать мәктәбеннән бүләккә  картиналар кабул итеп алдылар.

Иртәгә, 4 ДЕКАБРЬДӘ, Иске Чаллы, Каравыл Тавы һәм Тимерлек авылларында Советлар Союзы Геройлары Николай Синдряков, Анатолий Кузнецов һәйкәлләренә һәм Советлар Союзы Герое Николай Козлов һәм Социалистик Хезмәт Герое Николай Захаров каберләренә

веноклар куелачак. Бу чараны район башкарма комитетының яшьләр эшләре һәм спорт бүлеге, “Форпост“, хәрби комиссариат, “Яшь

Гвардия“ оешмасы һәм РОСТОның район оешмасы үткәрә.

Кичә, 2 декабрьдә, шәһәрнең 1нче урта мәктәбендә яңа директор сайланды. Ул - мәктәпнең биология, ТР һәм РФның иң яхшы укытучысы Алла Головенькина. Коллективка яңа директорны район мәгариф идарәсе җитәкчесе Линар Маняпов тәкъдим итте. Алла Головенькинаның мәгариф тармагындагы хезмәт стажы 15 ел. 

“Чык тамчысы” балалар бакчасы мөдире Эльмира Галләмшина һәм тәрбияче Нина Суровцева электрон мәгариф  ресурсларын куллану буенча “Киләчәк формуласы-2014” Халыкара педагогик осталык конкурсында катнашып, II дәрәҗә Дипломга лаек дип табылдылар. Әлеге конкурс РФ Мәгариф һәм фән министрлыгы һәм башка җитди оешмалар канаты астында быел 4нче тапкыр үткәрелә инде һәм конкурсның оештыру комитеты аның нәтиҗәләре буенча мәгълүмати-коммуникацион технологияләр базасында заманча белем бирүче мәгариф оешмаларының халыкара рейтингын төзи башлаган. 

Бүген, 3 декабрьдә, билгеләп үтеләчәк Халыкара инвалидлар көне алдыннан шәһәрнең 1нче урта мәктәбендә хәйрия акциясе узды. Мәктәпнең лейкоз диагнозы куелган 6нчы сыйныф укучысы Ислам Мусинга ярдәм итү максатыннан оештырылган иде хәйрия чарасы. Анда укучылар да, ата-аналар һәм педагоглар да бик теләп катнашты. Һәр сыйныф Исламга багышлап сәнгать номерлары һәм теләкләр дә әзерләгән иде.

Кичә Нурлатның 2нче мәктәбеннән  6нчы сыйныф укучысы Ирина Петрова белән 8нче сыйныф укучысы Руслан Никоненков Краснодар краенда Кара диңгез буенда урнашкан “Бөркеткәй” Бөтенроссия балалар үзәгенә ял итәргә киттеләр, дип хәбәр итәләр район башкарма комитетының яшьләр эшләре һәм спорт бүлегеннән. Алар 4нче декабрьдән 24 декабрьгә кадәр үзәкнең “Стремительный” лагеренда ял итәчәкләр. Лагерьда бу смена мәдәни-тарихи юнәлештәге “Орнамент России” проектына багышланачак һәм аның кысаларында биредә төрле чаралар, фестивальләр үтәчәк.