ЯҢАЛЫКЛАР

Бүген,  6 апрельдә район башлыгы Равил Кузюров “Шифа” компанияләр төркеме генераль директоры Сирин Бәдретдинов озатуында “Шифа” сәүдә үзәгендә булды.

Район башлыгы Равил Кузюров үткәргән гомумшәһәр планеркасы  бүгенге көндә торган иң көнүзәк мәсьәләләр –шәһәрдә санитар-экологик икеайлыкны үткәрү һәм бөек Җиңүнең 70 еллыгына әзерлекнең барышы темаларына багышланды. 1апрельдән 1 июньгә кадәр барачак чисталык икеайлыгының планын катнашучыларга шәһәр башкарма комитеты җитәкчесе Нәгыйм Сафиуллин җиткерде.

Шәһәр гомумпланеркасы алдыннан район үзәк хастаханәсе хезмәткәрләре һәр килүчегә кан басымын үлчәтергә тәкъдим иттеләр. Әлеге профилактик чара, соңрак район үзәк хастаханәсенең баш табибы Марат Йосыпов үз тәкъдир итү чыгышында  әйтүенчә, 2015 елда игълан ителгән йөрәк-кан тамырлары авыруларына каршы милли көрәш елы планы кысаларында каралган чара.

Бу көннәрдә җирлекара китапханәгә “Ак чәчәкләр”не сорап килүчеләр күп. Әмма китапханәчеләр аларны кире борырга мәҗбүр, чөнки китапларның барысы да кулда.  Китапханәчеләр әйтүенчә, укучылар арасында романга ихтыяҗ арту язучының әлеге әсәре дөнья күрүгә 50 ел тулу уңаеннан “Ак чәчәкләр” телевизион сериалы төшерелү белән бәйле.

Районның 3 мәктәбендә капиталь ремонт эшләре 25 июньгә төгәлләнергә тиеш.
Бүген, 5 апрельдә, район башлыгы Равил Кузюров

Бүген, 4 апрель көнне, район башлыгы Равил Кузюров Бөек Ватан сугышы ветераннары Хәлиулла Кәлимуллин, Ирек Алишев,  Габделхәй һәм  Сәрвәрия  Яһудиннар гаиләләрендә булып, юбилей бүләк җыелмалары тапшырды. Район башлыгы ветераннарның тормышлары, көнкүрешләре белән кызыксынды, Бөек Җиңүгә керткән өлешләре өчен рәхмәт белдерде.  Өлкән яшьтә булуларына карамастан, ветераннар ил һәм район вакыйгаларыннан хәбәрдар булып, көн сулышын тоеп яшиләр һәм Жиңүнең 70 еллыгы уңаеннан районда үтәчәк чараларда да бик теләп  катнашачакбыз, дип вәгъдә иттеләр.

Бүген шәһәрнең 2нче мәктәбендә өлкән сыйныф укучылары экологик темага театральләштерелгән тамаша күрсәттеләр.
Проектның авторы – районның баш экологы Рөстәм Ногманов.

“Истәлеккә фото” – “Бердәм Россия” партиясенең Нурлат җирле бүлекчәсе Җиңүнең 70 еллыгы уңаеннан шул исемдәге  акция  игълан итте. Кайбер башлангыч бүлекчәләрдә акциягә кушылырга да өлгерделәр инде. Бердәмросслылар ветераннарның өйләренә барып, бәйрәм белән котлыйлар, хәлләрен белешләр, ә азактан бергәләшеп фоторәсемгә төшәләр. Җирле бүлекчәнең башкарма комитетында әлеге фоторәсемнәрне туплап, альбом ясарга, шул рәвешле  бүген инде сафлары сирәгәя барган ветераннар турындагы истәлекләрне мәңгеләштерергә җыеналар.

“Бердәм Россия” партиясенең Нурлат җирле бүлекчәсе игълан иткән әлеге акция 9 май - Җиңү бәйрәмендә һәр сугыш ветеранына кулдан ясалган канәферләр бүләк итүне күздә тота. Акциядә балалар бакчалары, мәктәпләр, кул эшләре осталары катнашып, ветераннар өчен төрле материаллардан  канәфер чәчәкләре ясаячаклар. Чын күңелдән ясалган кызыл чәчәкләр Җиңү каһарманнары өчен кадерле бүләк, ә акция яшь буында патриотлык хисләре тәрбияләүче чара булачак, диләр бердәмросслар.

Районда төрле милек формасындагы 10лап мәйданчык тулы инфраструктурага ия. Һәм хәзер кызыксынган яклар белән конструктив хезмәттәшлекне максималь нәтиҗәле итеп төзү буенча эш җәелдерелгән.