ЯҢАЛЫКЛАР

Иртәгә, 29 августта,  Гыйматдинов урамының үзәк өлешендә Республика көне уңаеннан  авыл хуҗалыгы ярминкәсе гөрләячәк. Оештыручылар әйтүенчә, ярминкәдә авыл хуҗалыгы предприятиеләре, авыл җирлекләре, гаилә фермалары һәм шәхси эшмәкәрләр ит, бөртек, яшелчә, сөт һәм сөт ризыклары, икмәк,  тозланма-кайнатмалар һәм башка ризыклар тәкъдим итәчәк. Бәяләр исә базардагыдан арзанрак булыр, дип көтелә.  

Бүген җирлекара китапханәдә Әдәбият елы һәм Милли китапханәнең 150 еллыгы уңаеннан республиканың Әлмәт төбәгеннән килгән язучылар белән җылы  очрашу үтте.

Бүген район башкарма комитеты җитәкчесенең социаль үсеш буенча урынбасары Әлфия Галәветдинова урак алдынгыларына район башлыгы Равил Кузюровның Рәхмәт хатларын һәм кыйммәтле бүләкләр тапшырды.

Быел 2015 нче елда данлы тарихлы Нурлат районы оешуга 85 ел.Республиканың иң көньяк төбәге игенчеләре, кара алтын чыгаручылары, талантлары  һәм 15 ел эшләп килүче үз телевидениесе белән горурлана ала.

- Бу ярышлар Самарада алтынчы тапкыр уздырыла инде, - дип тәэсирләрен уртаклаша Булат.

Кичә, 25 августта шикәр заводы коллективы һәм әлеге микрорайон халкы белән очрашулар вакытында күтәрелгән иң тәҗел сорау шәһәр маршрут автобусы графигына кагылышлы иде һәм район башлыгы Равил Кузюров тиешле службаларга сорауны җентекләп өйрәнергә һәм җитешсезлекне якын арада төзәтергә күрсәтмә бирде.

Фирдүс Тямаев ТМТV каналында “Җырлаоке!”тапшыруын алып барачак. Бу хакта 1 елга килешү төзелгән, бүген инде беренче тапшыруны төшергәннәр дә. Ул сентябрь аенда күрсәтеләчәк. Ә Фирдүс  яңа рольдә дә тамашачы мәхәббәтен яулау өчен сөйләм телен камилләштерергә ниятли.

“Мәктәпкә җыенырга булыш” Республика хәйрия акциясенә район мөхтәсибәте дә кушылды. Кичә, 24 августта Түбән Нурлат микрорайоны мәчете картлары бистәдә яшәүче 3 игезәк бала үстерүче Сәйдәшевлар гаиләсенә 10 мең сум акчалата ярдәм күрсәттеләр.
Район мөхтәсибе Айрат хәзрәт Әюпов әйтүенчә, акциягә һәр мәчет кушылачак. 1 сентябрьдә исә акция кысаларында шәһәр мәчетләре 8нче мәктәп укучыларына 20 мең сум күләмендә акчалата ярдәм күрсәтәчәк.

Нурлат шикәр заводында  27 августтан татлы тамыр кабул итәргә, ә 30ыннан эшкәртүгә керешергә планлаштыралар. Бу көннәрдә исә биредә яңа сезонга әзерлек эшләрен төгәлләп киләләр һәм эшче кадрлар туплау белән мәшгульләр.
Район хуҗалыклары да шикәр чөгендере казуга әзерлек сызыгында торалар.