Муниципаль районнар Нурлат муниципаль районы

ЯҢАЛЫКЛАР

июнь, 2014 ел

чәршәмбе

Бу көннәрдә мәктәп яны лагерьларында ял итүче балалар өчен Кама аръягы һәм Нурлат тарихы музееның “Без барыбыз да аз булса да атлар” залында экскурсияләр үткәрелә.Экспонатлар белән танышудан тыш, укучылар викториналарда, уеннарда катнашалар, табышмаклар әйтешәләр. Ә экскурсия азагында аларга мультфильм күрсәтелә. Экскурсиягә шәһәр мәктәпләре генә түгел, авыл мәктәп яны лагерьларыннан да киләләр.

Район имам-мөхтәсибе Айрат Әюпов Россия мөселманнары Үзәк Диния нәзарәте медале белән бүләкләнде

Россия мөселманнары Үзәк Диния нәзарәте Президиумы карары нигезендә, иман һәм Ватан хакына намуслы хезмәте, җәмгыятьнең рухи-әхлакый яңарышына, бабаларыбызның тарихи һәм рухи мирасларын саклауга, Россия халыклары һәм традицион дини конфессияләре вәкилләре арасында тынычлык, татулык, һәм игелекле хезмәттәшлекне ныгытуга керткән өлеше өчен Нурлат районы имам-мөхтәсибе Айрат Сабир улы Әюпов “Әбу Бәкер радыяяЛЛаһу анһу” дәрәҗәсендәге “Әл-игътисам”–“Бердәмлек” медале белән бүләкләнде. Россия мөселманнары Үзәк Диния нәзарәте рәисе баш мөфти Шәех ул- Ислам Тәлгат Сафа Таҗетдин имзалаган карар нигезендә әлеге бүләккә Татарстан Диния нәзарәте рәисе мөфти Камил хәзрәт Сәмигуллин һәм Яр Чаллы имам-мөхтәсибе Әлфәс хәзрәт Гайфуллин да лаек булганнар.

Район хуҗалыкларында кышкылыкка терлек азыгы запасы туплау дәвам итә

Ә печән әзерләүнең беренче чираты азагына якынлашып килә. Район авыл хуҗалыгы һәм азык-төлек идарәсе мәгълүматларыннан күренгәнчә, кичәге көнгә районда 5075 тонна печән, 13374 тонна сенаж, 101 тонна яфрак азык әзерләнгән.

июнь, 2014 ел

сишәмбе

Дүшәмбе көнне районның 20 урта мәктәбендә чыгарылыш кичәләре гөрләде

Районның 386 чыгарылыш укучысы олы тормыш юлына аяк басты.

Каләм осталары фестивальдә

Колбай Мораса урта мәктәбенең 10 сыйныф укучысы Булат Хөснетдинов “Алтын каләм” – “Золотое перо” балалар, яшүсмерләр һәм яшьләр вакытлы матбугатының Республика фестивалендә катнашып кайтты. Быелгы фестиваль “Идел” яшьләр лагеренда узган. Яшь каләм осталары тарихи урыннарга сәяхәтләр корганнар, әңгәмәләрдә ктнашканнар һәм төрле темалаларга мәкаләләр язганнар.

Амброзиягә каршы көрәш ачтылар

Яңа Иглай авыл җирлегендә ике көн инде бу куркыныч чүп үләне белән көрәшәләр. Авыл җирлегендәге учреждение хезмәткәрләре, җәмәгать эшен башкаручылар әлеге үлән күпләп үрчегән участокларны чистарталар: үләннәрне тамырыннан юк итәләр, чаптыралар.

ЮХИДИ хезмәткәрләре балаларның юл хәрәкәте кагыйдәләре буенча белемнәрен тикшерә

Укучылар рәхәтләнеп ял итсен өчен, олылар каникулларның мавыктыргыч, ә иң мөһиме имин узуын кайгырта. Бу чорда профилактика эшләренең күп өлеше ЮХИДИ хезмәткәрләренә төшә. Каникулларның беренче көненнән үк алар балаларның юл хәрәкәте кагыйдәләре буенча белемнәрен тикшерә башладылар.

Яшь белгечне РФ Энергетика министрлыгының Дипломы белән билгеләделәр

18 июньдә Мәскәүнең “Крокус-Экспо” Бөтенроссия күргәзмә үзәгендә, XXI Бөтендөнья нефть конгрессы кысаларында, Россия Энергетика министрлыгы стендында яшь хезмәткәрләр арасында ТЭК-2013 проблемеларын хәл итү буенча җиңүчеләрне билгеләделәр. Россия Федерациясе Энергетика министрлыгының Дипломы белән “ТатРИТЭКнефть” предприятиясенең нефтьне әзерләү һәм транспортивкалалу төркеме инженеры – яшь хезмәткәр Андрей Гафиуллин да билгеләп үтелде.

Бушлай юридик хезмәт күрсәтелә

27 июнь– Бөтенроссия бушлай юридик хезмәт күрсәтү көнендә “Бердәм Россия” Бөтенроссия партиясенең Нурлат җирле бүлеге җәмәгать кабул итүе бинасында ( Совет ур., 96, 24 нче бүлмә, йорт ягыннан керергә) халыкны кабул итү үткәрелә. Бу көнне иртәнге 8дән 11гә кадәр кызыксынган сораулар белән нотариусларга, 11дән 14 сәгатькә кадәр адвокатка, 14тән 16 сәгатькә чаклы прокуратура хезмәткәрләренә мөрәҗәгать итәргә мөмкин.

Бүген Нурлатта гражданнарны уртак күчмә кабул итү үтәчәк

Бүген, 24 июньдә, Нурлатта 11.00дән 13.00гәчә ТРда кеше хокукларын яклау буенча уполномоченный Сәрия Харис кызы Сабурская һәм ТР эчке эшләр министры урынбасары Рафаил Вәли улы Гилманов гражданнарны уртак күчмә кабул итү үткәрәчәкләр.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ