ЯҢАЛЫКЛАР

Кичә, Рамазан аеның беренче көнендә, Яңа Иглай авыл җирлегендәге 4  - Яңа Иглай, Якты Күл, Тукай, Ключи авыллары мәчетләрендә ифтар мәҗлесләре үткән. Мәҗлесләрне җирле "АгроИнвест" идарәче компаниясе җитәкчесе Рәис Сөләйманов оештырган. Ә өстәл әзерләү мәшәкатьләрен авыл җирлеге башкарма комитеты һәм җирле мәдәният учреждениеләре хезмәткәрләре үз өсләренә алган. Һәр 4 авылда да беренче ифтар мәҗлесләре Коръән сурәләре укып, илгә-көнгә догалар белән үткән.

Менә инде икенче ел рәттән Яңа Иглай авыл җирлегенә кергән барлык авылларда яшәүче балалар өчен Некрасовка поселогы янындагы ямьле әрәмәлектә Балалар Сабантуе үтә. Быел да авыл балалары бәйрәмне зарыгып көтеп алганнар һәм бәйрәмдә бик теләп катнашаканнар. Оештыручылар - авыл җирлеге башкарма комитеты, мәдәният, мәгариф учрежденияләре хезмәткәрләре балаларның яшь үзенчәлекләрен исәпкә алып, төрле ярышлар, бәйгеләр үткәргәннәр. Балаларның күңел ачуын карарага әти-әниләр белән бергә әби-бабайлары да килгәч, бәйрәм гаҗәеп куңелле гаилә бәйрәменә әверелгән. Яңа Иглай авыл җирлегендә Балалар Сабантуен киләсе елларда да үткәреп, традиөион бәйрәм итмәкчеләр.

Бүген ТР Вице-премьеры - Республиканың авыл хуҗалыгы һәм азык-төлек министры Марат Әхмәтов Нурлат районына килде. Аны ООО "ВЗП-Билярск"ның арыш кырында район башлыгы Равил Кузюров һәм  "Агроинвест" ИК ОООсы генераль директоры Рәис Сөләйманов каршы алдылар. Министр арыш кырын карап, җирнең корылыгына һәм барлыкка килгән ярыкларга игътибар итте. Отряд начальнигы Рәшит Сафин моны күптәннән яңгыр булмау белән аңлатты. Район башлыгы әйтүенчә, иң яхшы агрономик яңгыр бездә тугызынчы майда булды, аннан соң явым-төшем локаль участоклар буенча гына үтте. Марат Әхмәтов хәлне республиканың башка районнары белән чагыштырып, районда югары кыр культурасы булу уңышка өмет бирә әле, дип нәтиҗә ясады. Шунда ук районда чөгендер плантацияләренә нык игътибар бирергә чакырды.

"Бу культураның безне уңайсыз хәлдә калдырганы юк әле", - дип өстәде министр. Визит һавадан кырларны карау белән дәвам итте.