ЯҢАЛЫКЛАР

Авыл хуҗалыгы һәм эшкәртү сәнәгате хезмәтчәннәре көне уңаеннан ихлас котлауларны кабул итегез. Сез үзегезнең карусыз хезмәтегез белән  районыбызны, шул исәптән республикабызны да үзебездә җитештерелгән сыйфатлы  продукция белән тәэмин итүгә, һәм төбәгебезнең  икътисадый үсешенә саллы өлеш кертәсез.

Районның спортчы һәм мәдәни яшьләреннән торган һәм “Нурлатнефть” НГДУсы командалары эшләүче яшьләрнең III “Наше время-Безнең заман” республика телевизион иҗат фестиваленең сайлап алу турында үз көчләрен сынаячак. Фестиваль 9-10 октябрьдә Әлмәттә узачак.

Быел Өлкәннәр көне уңаеннан 5нче тапкыр машина йөртүчеләр арасында үткәрелгән “Автобабай-2015” республика конкурсында машина йөртү остасы исемен безнең районнан Ильяс Могайнетдинов та дәгъвалады.

Татарның мәшһүр язучысы Габдрахман Әбсәламов әсәре буенча төшерелгән һәм тамашачылар көтеп алган “Ак чәчәкләр” фильмы премьерасының республика районнары буенча күрсәтелүе мәгълүм инде. Ниһаять, чират безгә дә җитә: 12 октябрьдә 19 сәгатьтә фильм Нурлат шәһәре Мәдәният сараенда күрсәтеләчәк. Билетлар сатыла башлаган инде, бәясе – 200 сум.

Районның хезмәт коллективларында, авыл җирлекләрендә Өлкәннәр ункөнлеге кысаларында чаралар дәвам итә. Бүген Биккол авылы Мәдәният йортында 120дән артык кешене чакырып зур бәйрәм оештыралар. Чәй табыны, концерт, конкурслар, бүләкләр–бәйрәм программасы әнә шулай күп күңел ачу чараларын эченә алган.

Ел саен апрель азагында республикабызның мәдәният министрлыгы һәм музейлар ассоциациясе «Татарстанда музейлар язы» акциясе үткәрә. Габдулла Кариев музее Нурлат  коллегалары белән бергә чарада актив катнаша.
Быел, мәсәлән, бу атналык Бөек Җиңүнең 70 еллыгына багышланган иде. Акция төгәлләнүгә, фотолар белән бизәлгән отчетлар Казанга юлланды. Эш нәтиҗәләре буенча сентябрьдә районыбызның ике музее да Диплом белән бүләкләнде.

Татарстан Милли музее быел 120 еллык юбилеен бәйрәм итә. Сентябрьдә ул төрле илләрдән килгән һөнәрмәннәрне җыеп, халыкара форум уздырды. Музейлар ассоциациясе белән берлектә, тәҗрибә уртаклашу өчен, берничә маршрут буенча сәяхәт тәкъдим ителде.

Район хуҗалыкларында урып-җыю эшләреннән  бушаган комбайннарны кышкы саклауга кую белән мәшгульләр.  14-16  октябрьдә исә  комбайннарның кышка әзерлеген республика конкурсы кысаларында тикшерәчәкләр.

Сезне һөнәри бәйрәмегез белән ихлас күңелдән тәбрик итәм! Укытучы - иң күркәм һәм иң гуманлы һөнәр, безнең һәрберебезнең акыллы киңәшләре белән эчке дөньябызны танып-белүдә һәм аны тагы да баетуда, тормышны тирәнтенрәк аңлауда аналарча ярдәм күрсәткән үз укытучыбыз бар.