ЯҢАЛЫКЛАР

– Узган атнада безнең Фома урта мәктәбендә үзенчәлекле кунак булып китте. Безнең авылда туып-үсеп, мәктәбебезне тәмамлаган, бүгенге көндә Нурлатта яшәүче Әсхәт абый Фәйзетдинов Корбан бәйрәме уңаеннан безгә дә бәйрәм оештырды, - дип хәбәр иттеләр мәктәпнең “Яшь журналист” түгәрәге әгъзалары.

Мөселман мәгариф оешмалары укытучыларының Халыкара форумында районның дин белгечләре дә катнаша. Чара Казанда 29–30 сентябрьдә уза. Анда  чит илләрдән -Марокко, Һиндстан, Гарәп Әмирлекләреннән дә дин белгечләре катнаша.

Дүшәмбе көнне районның дәүләт  ветеринария берләшмәсе “Лада Ларгус” машинасына ия булды. Машина ачкычларын берләшмә җитәкчесе Василий Лысовка  Татарстан Республикасы авыл хуҗалыгы һәм азык-төлек министры Марат Әхмәтов республика Президенты исеменнән тапшырды. Бу көнне республиканың ветеринария службаларына 34 шундый автомобиль бүләк ителде.

Сугыш һәм хезмәт ветераннары, инвалидлар оешмалары әгъзалары һәм Нурлат картлар йортында тәрбияләнүче 40тан артык  кеше бүген изге Болгар җиренә сәяхәткә юл тоттылар. Өлкәннәр көне уңаеннан оештырылган әлеге сәфәргә бару өчен транспортны “Нурлат АТП”сы  биргән.

Бүген Нурлатның үзәк урамында иртәдән  Өлкәннәр көненә багышланган авыл хуҗалыгы ярминкәсе гөрли. Гадәттәгечә район һәм шәһәрнең барлык авыл хуҗалыгы продукциясе җитештерүче предприятиеләре, фермер хуҗалыклары, авыл җирлекләре, шәхси ярдәмче хуҗалыклар үз продукцияләрен киң ассортиментта алып килгән.

Бүген, 25 сентябрьдә, район башлыгы Равил Кузюров, шәһәр башкарма комитеты җитәкчесе Нагыйм Сафиуллин һәм “Нурлат АТП”сы директоры Идрис Кәримов озатуында шәһәр маршрут автобуслары хәрәкәте белән танышты.
Рейд автовокзалдан башланды. Район башлыгы ике маршрут буенча автобуста утырып үтте, пассажирларның фикере белән кызыксынды. Рейдның максаты – җәмәгать транспортының шәһәр маршрутларын өйрәнү һәм аның эшен яхшырту иде, чөнки моңа кадәр бу уңайдан шәһәр халкыннан шикаятьләр кергән. Рейдның нәтиҗәләре буенча конструктив карарлар кабул итү көтелә.

Бүген, 25 сентябрьдә, район башлыгы Равил Кузюров район фермерлары, авыл җирлекләре башлыклары катнашында  эшче киңәшмә үткәрде.

Ике–Иске һәм Яңа Әмзә авыллары арасындагы Ташлы елга башында кайчандыр чишмә челтерәп утыруын күпләр оныткан да булгандыр инде. Ә менә Иске Әмзәдән Ирек Нәбиуллин онытмаган, һәм алай гына да түгел, чишмәгә яңа гомер бирергә булган.

Соңгы ун көндә генә дә  федераль ташламага ия 4 нурлатлы үз фикерен ташлама файдасына үзгәртте, һәм бу сан даими өстәлеп тора. Икегезгә төшерәбез: әлеге категория гражданнарга сайлауны дөрес ясар өчен 5 көн калып бара. Соңга кала күрмәгез!