ЯҢАЛЫКЛАР

Нурлат район үзәк хастаханәсе хирургы Хәлил Мусин Сочидагы Олимпиадада эшләячәк.

Бүген һәм иртәгә  шәһәрнең 4нче мәктәбеннән 50гә якын укытучы “Татарстан Республикасында белем бирүнең сыйфатын камилләштерү” (Сингапур) проекты буенча ике көнлек тренинг үтәләр. Тренингны мәгълүмати-методик үзәкнең методист-тренерлары үткәрә.

Нурлат нәниләре өчен Мәдәният елы “Раштуа әкиятләре” дип аталган бәйрәмннән башланды.

Бүген, 27 гыйнварда Тимерлек авыл җирлеге җыенында халык күтәргән иң кискен мәсьәләләр, гадәттәгечә, эшсезлеккә дә, юлсызлыкка да түгел, ә кәрәзле элемтә, интернет кебек замана уңайлыкларына кагылышлы иде.

Табигатьтә аз санда калып бара торган бу йөгерек хайваннарның санын арттыру турында  республика дәрәҗәсендә кайгырта башлаганнар. Республиканың хайваннар дөньясы объектларыннан файдалану һәм саклау идарәсе хәзер кыр кәҗәләре санын арттыруның программасын булдырган, ул республика җитәкчелеге контролендә тора.

Ул – Ренат Мостафин, 1994 елдан бирле аучылык җәмгыяте әгъзасы. Дөрес, хәзер ул биләгән вазифа башка төрлерәк атала: Татарстан Республикасының хайваннар дөньясы объектларыннан файдалану һәм саклау идарәсенең  хайваннар дөньясы объектларын саклау, аңа федераль дәүләт күзәтчелеге һәм аннан файдалануны көйләү буенча район бүлеге начальнигы.

Су белән тәэмин итү һәм мәктәпнең түбәсен ремонтлау – бүгенге көндә Богдашкино авыл җирлегендә көн кадагында торган әлеге мәсьәләләрне хәл итүне район башлыгы Равил Кузюров үз контроленә алды.

Бүген, 24 гыйнварда Андреевка авыл җирлегендә гражданнар җыены үтте, анда җитәкчелеккә сораулар аз булмады.

Кикбоксинг. 16-18 гыйнварда Менделеевск шәһәрендә ТР беренчелеге үтте. Анда Нурлат балалар-үсмерләр спорт мәктәбенең Евгений Казаев тренерлыгындагы “Аркона” спортчылары да уңышлы чыгыш ясап кайтты. Бәйгедә катнашкан 23 кикбоксчы җәмгысе унбиш медаль яулады. Шулардан Илнур Әмиров, Салават Заһретдинов, Ильяс Хөснетдинов, Данил Морозов, Марат Баймурзин җиңүче исемнәренә лаек булдылар. Ә кызлардан Алина Чубенко лайт-контакт һәм семи-контакт төрләрендә ике “алтын” медаль яулады.

27 гыйнвар – Ленинград камалышы өзелгән көн. Бүген “Гармония” үзәге хезмәткәрләре патронаттагы балалар белән элеккеге камалыштагы Ленинградта яшәгән нурлатлылар янына бардылар. Андыйлар Нурлатта 6ау. Балалар алар өчен кул эшләнмәләре ясаганнар. Ә ветераннар хатирәләрен уртаклаштылар. Шул көнне үк камалыш кичерүчеләргә район җитәкчелеге исеменнән бүләк тә өләшенде.