ЯҢАЛЫКЛАР

Кичә Бөтендөнья татар Конгрессы  “Ак калфак” Бөтендөнья татар хатын-кызларының җирле иҗтимагый оешмалары җитәкчеләре өчен оештырган укуларда безнең оешма җитәкчесе Фәүзия Мөхәммәтова катнашып кайтты. Анда сүз Бөтендөнья татар хатын-кызларының быелның май аенда Казанда узачак форумына әзерлек турында да барган.

Бу атнадан “Россельхозцентр”ның Нурлат районы филиалы белгечләре орлыкларга чәчү алды тикшерүләрен башлап җибәрделәр. Биредә беренчеләрдән булып “Агро-Развитие” хуҗалыгыннан орлык үрнәкләрен кабул итеп алганнар, чиратта – “Сөләйманов Ә.И.” хуҗалыгы. Чәчү алды тикшерүләре апрельгә кадәр дәвам итәчәк.

Узган якшәмбедә Нурлатта эстрада җырчысы, төрле музыкаль конкурслар лауреаты  Нюша Шурочкина концерт программасы белән чыгыш ясады. Әлеге бүләкне нурлатлыларга һәм предприятие хезмәткәрләренә “Татнефтепром-Зүзәйнефть” җәмгыяте генераль директоры Шамил Яһудин ясады.

Россиянең узган гасырның 90нчы елларында оешкан шул исемдәге эстрада төркеме солисты Марина Иванова бүген бер сәгать дәвамында җирле радио тапшыруында катнашты, тыңлаучыларның сорауларына җаваплар бирде, җырлар башкарды, бүген кич Нурлат Мәдәният сараенда узачак концертына билетлар бүләк итте. Инде хәбәр иткәнебезечә, “Краски” концерты - бу арада Нурлат сәхнәсендә  Россия эстрада җырчыларының икенче тамашасы.

Авыл мәдәният йортында Гашыйклар көне уңаеннан оештырылган чарада 25 гаилә пары катнашкан.
- Чараны 80нче еллар дискотекасы дип исемләвебез юкка түгел, чөнки бу көнне 18дән 50 яшькә кадәрге 52 гаилә парын чакырган идек, - ди мәдәният йорты директоры Зөлфия Закирова. – Чарага кадәр авыл кибетләрендә махсус тартмалар урнаштырган идек.

Нурлат көрәшчесе, Россиянең спорт мастеры, ДЮСШ һәм “Нурлатнефть” идарәсе тренеры Илфат Гыймадиев Муса Җәлил истәлегенә уздырылган милли көрәш турнирыннан II урын алып кайтты.

1 мартта Яр Чаллы шәһәренең “Энергетик” мәдәният сараенда  якташыбыз, Татарстанның атказанган мәдәният хезмәткәре, җырчы Разия Гайнуллинаның  45 еллык иҗаты уңаеннан зур кичә үтәчәк.

“Кояшкай” балалар бакчасының уртанчылар төркемендә “Олимпиада уты - 2014” исеме астында үткән бәйге балаларда зур кызыксыну уятты.

Бүгеннән Нурлат муниципаль районы башкарма комитеты каршында оештырылган комиссия авылларда социаль-мәдәни учреждениеләргә чыга башлады. Комиссия учрежениеләрнең нигезләрен, түбәләрен кардан чистарту, территорияләрдән карны чыгару кебек иминлек, янгынга каршы көрәш җәһәтеннән мөһим эшләрнең торышын караячак. Бүген алар Югары Нурлат, Ключи, Иглай, Якты Күл авыллары мәдәният йортларында булырга ниятлиләр.

Бу көннәрдә район мәгариф учреждениеләрендә шагыйрьнең иҗатына багышланган дәресләр, сыйныф сәгатьләре уза.