ЯҢАЛЫКЛАР

19-20 февральдә “Казан” милли –мәдәни үзәгендә узган ТР Авыл яшьләренең II форумында нурлатлылар да катнашты. “2011-2015 елларда Татарстан Республикасында авыл яшьләре” программасының нәтиҗәләрен уртаклашуда, түгәрәк өстәлләрдә районның “Аграр яшьләр берләшмәсе” җитәкчесе Фаил Ивандеев, район башкарма комитеты җитәкчесенең социаль–мәдәни мәсьәләләр буенча урынбасары Рәмзия Сингатуллина, спорт һәм яшьләр эшләре бүлеге җитәкчесе Әнәс Нәбиуллин катнашып кайттылар.

Гимназия базасында агымдагы елда ачылган кадет сыйныфында Ватан сакчылары көне алдыннан кадетлар “ант” бирә.  Биредә бар да армия хезмәтен хәтерләтә: 60лап кагыйдәне үз эченә алган кодексны һәр кадет яттан өйрәнгән. Хәрби яки гражданлык өлкәсендә үз иленә файдалы кеше булып үсәргә тиеш алар.

“Нурлатгаз” ЭПУсында бу көннәрдә  топтографлар һәм проектантлар тузган газүткәргечләрне алыштыру өчен проект төзү өстендә эшлиләр.

22 февраль көнне 12 сәгатьтә шәһәр мәдәният сараенда Ватанны саклаучылар көне уңаеннан зур бәйрәм тантанасы була. Нурлатлылар, чын ир-егетләр бәйрәменә рәхим итегез!

Балалар-үсмерләр спорт мәктәбенең яшь самбочылары Чистайда узган турнирда катнашып кайттылар.

Нурлат чаңгычылары “Татнефть” җәмгыятенең XXVII Спартакиадасы кысаларында Әлмәттә узган ярышларда уңышлы чыгыш ясап кайттылар. Әлеге ярышларга “Татнефть”нең Нурлаттагы идарә-структур подразделениеләре спортчылары катнашты.

Кичә Нурлат әфганчылары Казанда Совет гаскәрләренең Әфганстаннан чыгарылуының 25 еллыгына багышланган тантаналы чарада катнашып кайттылар. 14  әфганчыдан  торган Нурлат делегациясе  ТР Дәүләт Советы рәисе Фәрит Мөхәммәтшин белән очрашып, истәлекле дата уңаеннан котлаулар кабул иткән.

Узган ел “Халык контроле” системасында Татарстан халкының 13 меңнән артык гозере урын алган булган. Бу хакта 18 февральдә ТР Министрлар Кабинетында “Халык контроле” системасының узган елгы эшенә нәтиҗә ясаган брифингта хәбәр ителде.

Республиканың Ачык футбол лигасында чыгыш ясаучы Нурлат “Факелы” соңгы турларда турнир хтәлен шактый яхшырта алды.

Шул көннәрдә район хуҗалыклары агрономнары уҗымнарның ничек кышлавын белү максатыннан, тикшерүләр үткәрүне төгәллиләр. Әлегә уҗымнарның торышы канәгатьләнерлек дип санала, әмма соңгы нәтиҗәләр март аенда гына билгеле булачак. Хәзергә исә уҗымнар өчен шартлар начар түгел – кар катламы 30–40 см, куаклану буыны тирәнлегендә температура  –4,5 градус.