ЯҢАЛЫКЛАР

Җиңүнең 70 еллыгы уңаеннан ачылган “Победа” махсус счетына акча күчерүче оешма-учреҗдениеләр саны арта. Соңгы вакытта гына әлеге исемлеккә “Ивушка” һәм “Пчелка” балалар бакчалары, Киекле һәм Мамык авыл җирлекләре  башкарма комитетлары, “Сельхозснаб” ОООсы, Федераль казначылыкның Нурлат бүлеге дә кушылдылар.

Күптән түгел Нурлатның балалар сәнгать мәктәбе укучылары музыка мәктәпләренең өлкән сыйныф укучылары арасында Әлмәт шәһәрендә үткәрелгән олимпиадада катнаштылар.

Чәршәмбе көнне Нурлатның Балалар сәнгать мәктәбе укучылары Әлмәт шәһәрендә узган халык уен коралларында уйнаучыларның төбәк конкурсында катнашып, уңышлы чыгып кайттылар.

Кичә, 2 мартта район башкарма комитеты җитәкчесе Әсхәт Габдуллин үзенең инфраструктур үсеш буенча урынбасары Рөстәм Карама, мәгариф бүлеге начальнигы Габделгазиз Юнысов белән берлектә капиталь ремонт баручы кайбер объектларда йөреп чыктылар.

Бүген, 28 февральдә,  Нурлатның “Ледок” балалар-үсемерләр спорт мәктәбенең  2002нче елгы үсмерләр командасы Җәлил бистәсендә үтәчәк хоккей буенча ТР беренчелегенең ярымфинал уеннарына юл алды. Уеннар 28 февральдән 2нче мартка кадәр узачак.
Ял көннәре хоккей сөюче  нурлатлылар өчен дә кызыклы үтәчәк. Якшәмбе көнне төнге хоккей лигасы кысаларында безнең “Нурлат” командасы белән Зәйнең “Форвард” ир-егетләр командалары көч сынашачак, уен шулай ук көндезге 2дә башланачак. “Ледок” боз сараенда барлык хоккей сөючеләрне һәм җанатарларны көтеп калалар.

 “Нурлат” ТРКсы үзенең иҗади бүләкләр янчыгына тагы бер Диплом өстәде. Бусы– Бөтенроссия журналистлары һәм массакүләм мәгълүмат чараларының “Татар рухы–каләм” бәйгесенең “Татар халкының тормыш һәм көнкүрешен яктырту” номинациясендә ирешкән уңышлары өчен. Кичә ТРК директоры Резеда Гиняева “Казан” милли-мәдәни үзәгендә  бер төркем җиңүчеләр белән  йомгаклау тантанасында катнашты.

Бүген, 28 февральдә, Нурлатта район башлыгы Равил Кузюров, гаилә фермерлары җитәкчеләре, авыл җирлекләре башлыклары, районның авыл хуҗалыгы һәм азык-төлек идарәсе белгечләре һәм төрле банк вәкилләре катнашында үткән җыелышта районның фермерлык ассоциациясе оештырылды,  ачык тавыш бирү юлы белән аның 5 кешедән торган  Советы сайланды.

“Дуслык” (“ Дружба”, “Туслах”) район газетасының дөнья буйлап сәяхәте дәвам итә. Бу юлы аны гаиләсе белән Мәскәүгә барганда
 “Нурлат” ТРКсы кореспонденты Фатима Сәхипгәрәева  юлдаш итә. Шулай итеп, безнең “Дуслык” башкаланың истәлекле урыннарында була, сәяхәт истәлеге–фото һәм язманы сезгә тәкъдим итәбез.