Муниципаль районнар Нурлат муниципаль районы

ЯҢАЛЫКЛАР

июнь, 2014 ел

җомга

Яшь гвардиячылар Хәтер һәм кайгы көненә акция үткәрәләр

Бүген, 20 июнь көнне, “Яшь Гвардия” активистлары шәһәрнең үзәк урамнарында акция үткәрәчәкләр – ул 21 июньдә Бөек Ватан сугышында вафат булучылар истәлегенә өйләрдә утлар кабызуга чакыру. Ә 22 июньдә – Хәтер һәм кайгы көнендә иртәнге сәгать 7.00дә яшь гвардиячылар Хәтер һәм Дан мемориалына веноклар салу вакытында шәмнәрдән “Хәтерлибез һәм кайгырабыз” дигән сүзләр язачаклар.

июнь, 2014 ел

пәнҗешәмбе

Милли матбугат турында сөйләшәбез

Бүген Казанда төбәк һәм милли массакүләм мәгълүмат чаралары форумы үтә. Милли матбугат яшәеше һәм үсеше проблемаларына багышланган әлеге форум программасында Татарстанның Халыклар Дуслыгы йортын карау да бар. Форумда район газетасы баш мөхәррире дә катнаша.

Мәгариф идарәсенә яңа җитәкче килде

Бүген, 19 июньдә район мәгариф идарәсенә яңа җитәкче килде. Ул - моңа кадәр коррекцияләүче интернат-мәктәп директоры булып эшләгән Линар Маняпов. Идарәнең элеккеге начальнигы Габделгазиз Юнысов бүтән эшкә күчү сәбәпле вазифасыннан азат ителде.

“Нурлат” ТРК коллективы Свияҗск утрау-шәһәрчегенә сәфәр кылды

“Нурлат” ТРКсы туган көне уңаеннан Свияҗск утрау-шәһәрчегенә сәфәр кылды. Республиканың тарихи-архитектур энҗесе булган утрауда һөнәрчеләр шәһәрчеген, архитектура һәйкәлләрен карадылар, анда барган торгызу-яңарту эшләре белән таныштылар. Моңа кадәр коллектив Болгарда булган иде инде, Свияжскины да карау аларда республикабызның тарихи урыннары турында мәгълүматларын тагы да баетырга булышты.

Хезмәтен хөрмәтләп

“Таттелеком” ААҖ Әлмәт зона электр элемтәсе узелының Нурлат районы электр элемтәсе узелы начальнигы Рәшит Әнвәр улы ҖИҺАНШИНга ТР Президенты Указы нигезендә “Татарстан Республикасының атказанган мәгълүматлаштыру һәм элемтә хезмәткәре” дигән мактаулы исем бирелде.

Яшь әниләр декрет ялында яңа һөнәр үзләштерә

Нурлатның халыкның мәшгульлеге үзәгендә быел декрет ялындагы 10 хатын-кызны 1С предприятие программасын өйрәтеп, ЭВМ операторына түләүсез укытмакчы булалар. Укулар инде 25 июньнән башланып китәчәк.

Нурлатта кайгы митингы үтәчәк

22 июнь–Хәтер һәм кайгы көне уңаеннан Нурлатның Хәтер һәм Дан аллеясы янында кайгы митингы үтәчәк. Митинг иртәнге 10да башлана, аңа кадәр иртәнге 7дән оешма-предприятиеләр, шәһәрлеләр сугышчы-солдат итәгенә веноклар һәм чәчәкләр салачаклар.

июнь, 2014 ел

чәршәмбе

Җире булачак, төзисе генә кала

Нурлатта якын көннәрдә күпбалалы гаиләләрне җир участоклары белән тулысынча тәэмин итеп бетерергә тырышалар.

Районда җиләк чоры башланды

Базарда җир җиләге сата башладылар. Ә бу җәйнең иң хуш исле, иң ямьле чоры җитте, дигән сүз.

Нурлатның ике мәктәпкәчә белем бирү учреждениесе 1әр миллион сумлык Грантка ия булды

Шәһәрнең ике – “Әкият” һәм “Камыр Батыр” балалар бакчалары “Иң яхшы билингваль балалар бакчасы” республика конкурсында җиңү яулап, 1әр миллион сум Грантка ия булдылар. Әлеге Грант узган елдан башлап республиканың ике дәүләт теле – рус һәм татар телләрен өйрәтүдә югары нәтиҗәләргә ирешкән иң яхшы балалар бакчаларына бирелә. Бүген, 18 июньдә Казанда узган ТРда мәктәпкәчә белем бирү елына йомгаклау тантанасында бакча мөдирләре Фәйрүзә Якупова һәм Венера Мәрданшинага сертификат тапшырылды.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ