ЯҢАЛЫКЛАР

Районда көзге чәчү азагына якынлашып килә. Кичәге көнгә район хуҗалыкларында 17800 гектарда уҗым чәчелгән, шуның 14900 гектары уҗым бодае. Берүк вакытта шикәр чөгендере һәм бәрәңге алу дәвам итә. Татлы тамыр 792, бәрәңге 219 гектардан җыеп алынган. Соңгысында эшләр инде тәмамлану ягында. 

Күптән түгел  Чуваш Тимерлеге зиратында төзекләндерү эшләре тәмамланды.

Нурлаттан Наталья Шубина бакчасында ике гадәти булмаган суган үскән. Ә бу табылдыкка очраклы гына юлыкканнар.

Нурлат районының һәм шәһәренең барлык сайлау участокларында да бүген полиция, гадәттән тыш хәлләр службасы һәм шәхси сак службасы предприятиясеннән барлыгы 176 кеше кизү тора. Полиция бүлегеннән хәбәр итүләренчә, сайлаулар тыныч уза.

2334нче сайлау участогында халыкның активлыгын җәмәгате Эльмира Мәкъсумовна белән бергә тавыш бирүгә килгән район башлыгы Равил Кузюров билгеләп үтте:
-    Гаиләм белән элек-электән үк сайлауларга йөрибез, - диде район башлыгы. – Сайлау көне безнең гаилә өчен бәйрәм  ул. Ә нурлатлыларның актив һәм бердәм булып сайлауга килүләрен бердәмлек күрсәткече дип саныйм. Сайлауларны матур күрсәткечләр белән, лаеклы каршы алабыз. Шул рәвешле бергәләшеп  яңа этапка адым басабыз.
 Ә күрсәткечләр күз алдында. Республикадагы һәм райондагы матур башлангычларны, уңай үзгәрешләрне  сайлауга килүче нурлатлылар да билгеләп уздылар.
-    Халык бүгенге хакимият вәзгыятен хуплый, - ди сайлаучы Илшат Габидуллин. – Без дә чын күңелдән киләчәк тормышның матуррак булачагына ышанып гаиләм белән тавыш бирергә килдек.