ЯҢАЛЫКЛАР

3 ноябрьдән 9ынача районда 6 меңнән артык укучы көзге каникулда булачак. 

Татарстан Гадәттән тыш хәлләр министрлыгы республика халкын көзге боздан ерак торырга чакыра. Коткаручылар 7 сантиметрдан да юкарак бозга кергән өчен административ штраф түгел, гомерегез белән түләргә туры  килмәсен дип кисәтә. Кисәк суыту аркасында Татарстанның елга-күлләре тиз арада боз белән капланды. Министрлыкта хәбәр итүләренчә, 26 октябрьдән бирле республикада көн саен боз астына төшеп китү очраклары теркәлә. Бу исемлеккә, нигездә, балыкчылар һәм юлны кыскартырга теләүчеләр керә.

Пенсия фондының  Нурлат районы буенча идарәсе 1 октябрьдән пенсия билгеләү эшләрен яңа программа буенча алып бара. Камилләштерелгән программа пенсия билгеләүне кыска срокларда һәм тагы да сыйфатлырак башкарырга ярдәм итә.

4 ноябрь - Халык бердәмлеге көнендә Нурлат шәһәр Мәдәният сараенда зур концерт булачак. Районныж иң талантлы һәвәскәрләре чыгышларын тыңларга теләүчеләр, 18.00 сәг.тә концертка рәхим итегез!

Дөресрәге, “Нурлат урманчылыгы”  2014 елга билгеләнгән урманнарны саклау һәм яңарту буенча эшләр комплексын тулысынча үтәп куйган. Әлеге комплекста каралганча,  66 гектарда урман үсентеләре утыртканнар, 600 гектарда урман культураларын карау үткәргәннәр, шактый мәйданда урманнарны яктырту-чистарту эшләре башкарганнар алар. Хәзер урманчылар киләсе елга контракт төзүгә әзерләнәләр.

1 ноябрь көнне Казан дәүләт Аграр университетта булачак студентлар өчен “Ачык ишекләр көне” үткәрелә.

Нурлатның яшь кикбоксчылары шул көннәрдә Ульян шәһәренең ачык беренчелегендә катнашып кайттылар.

4 ноябрьдә Халыклар бердәмлеге көне һәм 6 ноябрьдә ТР Конституциясе көне ял көннәре булачак.