ЯҢАЛЫКЛАР

Кичә, 24 ноябрь көнне, чулпанлылар Әниләр көненә зур мәдәни программа әзерләгән иделәр. Җирле үзешчәннәрдән тыш, күрше Самара өлкәсе, җырлы Кәлимулиннар гаиләсе һәм башка кунакларның чыгышы чулпанлыларның күңелендә бик озак сакланачак әле. Бәйрәм көнне күпбалалы, юбиляр әниләр дә сәхнә түрендә хөрмәтләнде.

Кеше хокуклары буенча уполномоченный Идрис Кәримов 27 ноябрь – 4 декабрьдә Хабаровск хәрби гарнизонында хезмәт командировкасында булачак.

Узган җомга көнне Нурлат урманчылары Берләшкән милләтләр оешмасы Европа экология комиссиясенең урманнар һәм урман тармагы буенча комитетының күчмә 72нче конференциясендә катнаштылар. Ул Саба районындагы Татарстанда бердәнбер булган урман селекция-орлыкчылык үзәге базасында узды. Безнең делегация составында Нурлат урманчылыгы җитәкчесе-лесничие Искәндәр Усманов, аны урынбасары Рөстәм Галиев һәм урманчылык белгече Наталья Ерофеева бар иде. Алар яшел икътисадка урманнар керткән өлеш, Россия һәм дөнья урман продукциясе базары торышы һәм башка мәсьәләләр турында фикер алышуда катнаштылар.  

21–23 ноябрьдә Казанның “Костер” сәламәтләндерү лагеренда “SaMoSтоятельные дети” проектының уңышлы волонтеры” республика конкурсының  икенче этапы үтте.

Агымдагы елның сентябреннән ТР медицина учреждениеләре күрсәтелгән медицина ярдәменең бәясе турында пациентларга белешмәләр бирә башлады. Безнең республика мондый системаны гамәлгә ашыру буенча эксперименталь мәйданчыкка әверелде. Сынау проектында республиканың 65 медицина оешмасы катнаша, ә 1 ноябрьдән Татарстанның ММИ полисы буенча медицина ярдәме күрсәтүче барлык поликлиникалары һәм хастаханәләре пациентларга дәвалау бәясе турында мәгълүмат бирергә тиеш.