ЯҢАЛЫКЛАР

Узган атнада Фома урта мәктәбендә узган татар теле һәм әдәбияты укытучыларының куст утырышы 9нчы сыйныф укучыларын бердәм дәүләт тестлаштыруына әзерләү темасына багышланды. Анда Фома, Бикүле, Кәкре Атау мәктәпләре  укытучылары Зөлфирә Галиева, Наилә Латыйпова, Резедә Сафиуллина һәм Гөлүсә Әһлиуллина  яңа федераль дәүләт белем бирү стандартларына күчү шартларында укучыларны тестка әзерләү буенча мастер-класслар күрсәттеләр. 

Дүшәмбе көнне Татарстан Республикасында “Халык контроле” дәүләти мәгълүмат системасының аегымдагы елның 11 аендагы эшчәнлеге мәсьәләсенә багышланган видеокиңәшмә үтте.

Нурлатның 3нче мәктәбендә күптән түгел “Россиядә код сәгате” акциясе үтте. 

Нурлат җирлекара китапханәсе директоры Роза Липатова эш атнасын Мәскәүгә башкала коллегалары тәҗрибәсен уртаклашу уңаеннан оештырылган сәяхәтенә нәтиҗәләр ясаудан башлады. 

- Ике көн дәвамында без Мәскәү шәһәре китапханәләре эшчәнлеге белән таныштык. Биредәге 480 китапханәне, аларны үзенчәлекле “кунакханә”ләргә әверелдереп, заманчалаштыралар. Алар махсус пилот проектларында катнашалар. Без Мәскәү коллегаларыбызның үсеш концепциясен кабул итеп алып, үз эшебездә куллана алабыз, - дип тәэсирләре белән уртаклашты Роза Харисовна. 

Бүген ТР Министрлар Кабинеты каршындагы Икътисадый советның “Татарастан Республикасының агросәнәгать комплексы предприятиеләре продукциясен эчке һәм тышкы базарларда тәкъдим итү” дигән темага утырышы видеорежимда үтте. Утырыш ТР Президенты Рөстәм Миннеханов катнашында узды.