ЯҢАЛЫКЛАР

8 мартка Биккол авылы халкы читтә яшәүче авылдашларыннан үзенчәлекле бүләк алды.

Узган шимбә көнне Әлмәт шәһәрендә авыл укучылары арасында традицион Спартакиада үтте. 

 

Бүген, 7 мартта, шәһәр Мәдәният сараенда Халыкара хатын-кызлар көненә багышлап узган чарада “Ел хатын-кызы. Ел ир-аты: хатын-кыз күзлегеннән” конкурсы җиңүчеләрен котладылар. Шунда ук  районның 10 хатын-кыз-тыл хезмәтчәне Җиңүнең 70 еллыга багышланган юбилей медальләренә дә  ия булды. Бүләкләрне өлкәннәргә район башкарма комитеты җитәкчесе Әсхат Габдуллин тапшырды. Әсхат Габдуллин районның барлык әниләрен, гүзәл затларын, хатын- кызларны язның иң матур бәйрәме белән котлап, һәрбарчасына рәхмәт һәм ихтирам сүзләре белдерде. Тантаналы чарада катнашкан РФ Дәүләт Думасы депутаты Фатих Сибагатуллин да гүзәл затларга үз котлауларын җиткерде.
Традиция буенча, чара гүзәл затларның иңнәренә ак яулыклар салудан башланды.  Балалар иҗаты үзәге, үзәк китапханә һәм “Дива” модалар театры әзерләгән күргәзмәләр, мул чәй табыны, чәчәкләр һәм чын күңелдән әйтелгән котлау сүзләре, бәйрәм концерты – барысы да гүзәл затларга багышланды.

“Ел хатын-кызы” республика конкурсының район этабында “Хатын-кыз-ана” номинациясендә җиңүче дип быел ике бала әнисе, 7 онык әбисе, бар гомерен авыл хуҗалыгына багышлаган тыл хезмәтчәне Фәйрүзә Мәрдегалим кызы Яруллина билгеләнде.

Бүген, 5 мартта  Үрнәк авылында   яшәүче тыл хезмәтчәне Миннеруй Нуруллина үзенең 90 яшьлек юбилеен билгеләп үтте. Юбилей көнендә аны  район башлыгы урынбасары Флюра Ногманова,  Социаль яклау идарәсе начальнигы Ирина Афанасьева, Киекле авыл җирлеге башлыгы Рәфис Ганеев һәм башкалар гомер бәйрәме белән тәбрикләделәр. Флюра Рәшитовна юбилярны РФ һәм ТР Президентлары   Владимир Путин, Рөстәм Миннеханов һәм район башлыгы Равил Кузюров исеменнән котлап, бүләкләр тапшырды, аңа сәламәтлек теләде. Шунда ук район башлыгы урынбасары тыл хезмәтчәненә “1941-1945 елларда Бөек Ватан сугышында Җиңүнең 70 еллыгына” юбилей медален дә тапшырды.