ЯҢАЛЫКЛАР


23
октябрь, 2013 ел
чәршәмбе
Районның биш математика укытучысы Республикадагы математика елы кысаларында узган семинарда катнашып кайтты.
Районда 90, 95 һәм 100 яшьлек юбилярларны тәбрикләү тантаналары дәвам итә.
Көзге каникуллар чорында районнан 15 бала Чистайның “Раздолье” сәламәтләндерү үзәгендә ял итәчәк. 
Телевизион мачтада кабул итү атненналарын монтажлау эшләре бару сәбәпле, бүген, 23 октябрьдә 17.00 сәгатькә кадәр ТВ һәм радиокабул итүләр туктатып торыла.
Сишәмбедән социаль яклау идарәсе хезмәткәрләре балалар бакчаларына түләү буенча субсидияләр исәпләүгә документлар җыя башладылар. Идарәдә әйтүләренчә, бу эш график буенча урыннарга чыгып башкарылачак.

22
октябрь, 2013 ел
сишәмбе
25-26 октябрьдә шәһәрдә һәм районда санитар чистарту өмәләре игълан ителә.
Бүген Татарстан Республикасы  прокуроры Илдус Нәфыйков Нурлат районында гражданнарны кабул итте. 
Кичәге көннән Нурлат районы башкарма комитеты җитәкчесе постына Равил Кузюров билгеләнде.
Ниһаять, бикколлыларның күптән көтелгән хыялы чынга ашты – авылның нәкъ үзәгендә 200 кешегә исәпләнгән клуб үз ишекләрен ачты.  Узган гасырның 90нчы елларында төзелә башлап, дистәләрчә ел буена “сакаллы” төзелешләр рәтендә торган клубның төзелеп бетәсенә берара өметләнми дә башлаганнар иде инде.  2007нче елдан төзелешне янә яңартып, соңрак Казанның “Альтаир-строй” оешмасы төзүчеләре шул көннәрдә төзелешне азагына җиткерделәр. Ә яңа объект әнә шулай кәгазьләр буенча “клуб”  дип кенә  аталса да,  авылның бөтен социаль хезмәтләрен үз эченә алган күп функцияле үзәк ролен уйнаячак. Шуңа да бу көнне бер үк вакытта авылның берничә учреждениесе өй туен билгеләп үтте дияргә була. 
Районның 4  педагогы “Костер” республика балаларны сәламәтләндерү-белем бирү үзәгендә “Лидерлык нигезләре” белем бирү программасын тормышка ашыру буенча өйрәтү семинарында катнашты. 

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International