Муниципаль районнар Нурлат муниципаль районы

ЯҢАЛЫКЛАР

июнь, 2014 ел

дүшәмбе

Дүшәмбедән 27 бала районның социаль яклау бүлеге аша Чистайның “Раздолье” санатор сәламәтләндерү лагерена ял итәргә китәчәк. Алар анда 18 көн дәвамында ял итәчәкләр һәм дәвалану алачаклар. Җәен исә “Раздолье”да Нурлат балалары тагын ике сменада ял итәчәк әле.

Нурлат районында мәчетләр яңара

Кичә, 15 июньдә Кизләү авылында Аллаһ йорты - яңа мәчет бинасы ачылды. Яңа мәчет ачылу - ул үткәннәргә салават, хәзергегә мәдхия, ә киләчәккә яшәү өмете бүләк итүче чара.

июнь, 2014 ел

шимбә

Медхезмәткәрләрнең яңа традициясе

Традиция буенча, июньнең беренче якшәмбесендә Медицина хезмәткәрләре көне билгеләп үтелә. Ул быел 15 июньгә туры килде. Аннан алдагы көндә Нурлат район хастаханәсенең баш табибы Марат Йосыпов районның сәламәтлек саклау системасы ветераннары, озак еллар район хастаханәсе, бүлекләр белән җитәкчелек иткән кешеләр янына барды.

июнь, 2014 ел

җомга

Россия көнен Нурлат солдаты туган җирендә каршы алды

Язгы чакырылыш дәвам итә, булачак солдатлар армия сафларына озатыла, шул арада армия хезмәтен үтеп кайткан егетләр исәпкә баса торалар. Узган язгы чакырылышта киткән 100 егетнең 50се өйләренә кайткан инде.

июнь, 2014 ел

пәнҗешәмбе

Район башлыгы Равил Кузюров Россия көне белән котлый

Хөрмәтле нурлатлылар!

12 июнь – Россия көне һәм Россиянең мөстәкыйльлеге турында Декларация кабул ителгән көн.

Нурлатта Россия көне мәдәни-спорт чаралары белән истә калды

Илебездәге “иң яшь” дәүләт бәйрәмнәренең берсе – Россия көнен бүген нурлатлылар шәһәр үзәк паркында зур бәйрәм итеп билгеләп үттеләр.

июнь, 2014 ел

чәршәмбе

Бәйрәм чакыра

Иртәгә, 12 июнь, Россия көне Нурлатта зур бәйрәм программасы белән узачак.

Нурлат Бердәмросслары конференция үткәрде

Бүген, 11 июнь көнне, “Бердәм Россия” Бөтенроссия сәяси партиясе Нурлат җирле бүлекчәсе XX конференциясенең беренче этабы үтте. Анда Татарстан Республикасының Дәүләт Советына бишенче чакырылыш депутатларын сайлауларда катнашу буенча җирле бүлекчә алдына куела торган бурычлар төп мәсьәлә буларак каралды.

“Гармония” үзәге директоры - республика конкурсы җиңүчеләре арасында

“Гармония” халыкка социаль ярдәм күрсәтү үзәге директоры Елена Пичушкина “Социаль хезмәт күрсәтү учреждениеләренең иң яхшы хезмәткәре” Бөтенроссия конкурсының республика этабында “Социаль хезмәт күрсәтү үзәге директоры” номинациясе буенча 2нче урынга лаек булды. Конкурска йомгак бүген, 11 июньдә, Казан шәһәренең “Корстон” кунакханә комплексында Социаль хезмәткәрләр көненә багышлап үткәрелгән тантаналы чарада ясалды.

Нурлат балаларының каникуллары файдалы үтә

Киекле авыл җирлегендә июнь аенда Халыкның мәшгульлеге үзәге аша 8 үсмерне эшле иткәннәр. Балалар нигездә авылларны төзекләндерү, тәртипкә китерү эшләрендә катнашалар. Авыл җирлегендә төзелеп килүче яңа участок уполномоченные йорты, балалар бакчасы тирәләрен төзекләндерүгә дә мәктәп укучылары зур өлеш кертә. Июль аенда исә җирлектә янә 8 баланы эшкә урнаштырырга планлаштыралар.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ