ЯҢАЛЫКЛАР

Каникул 8 ноябрьгә кадәр дәвам итәчәк.

29 октябрьдә 2016 елдагы  Бөтенроссия авыл хуҗалыгы санын алуга әзерлек һәм үткәрү  буенча район комиссиясенең беренче утырышы үтте. Аны район башлыгы Равил Кузюров җитәкли.

Бу көннәрдә “Татар  төбәкара ветеринария лабораториясе” ФГБУсының Нурлат бүлеге  агрономы Салават Фәтхетдинов III Авыл яшьләре форумында катнаша. 29 октябрьдән 1 ноябрьгә кадәр “Идел” яшьләр үзәге базасында үтүче әлеге форумда республика Аграр яшьләр берләшмәсенең 5 еллык эшчәнлегенә нәтиҗә ясалачак, яшьләрне борчыган актуаль темаларга сөйләшүләр һәм башка чаралар планлаштырыла.

Бу көннәрдә район башкарма комитеты җитәкчесенең социаль-мәдәни мәсьәләләр буенча урынбасары Әлфия Галәветдинова җитәкчелегендәге конкурс  комиссиясе  7–10 сыйныф укучылары арасында үткәрелгән  “Киләчәккә билет” республика иншалар бәйгесенең район этабына йомгак ясау белән мәшгуль.

Бүген район һәм шәһәр территораль сайлау комиссияләре рәисләре, аларның урынбасарлары һәм секретарьлары Казанга, ТР Президентын сайлаулар һәм җирле вәкиллекле органнарга депутатлар сайлау нәтиҗәләре буенча үткәрелүче киңәшмәгә киттеләр. Киңәшмә “Казан” милли-мәдәни үзәгендә уза.

Укучылар гына түгел, укытучылар да имтихан тота. Узган атнада районның 81 педагогы тестлаштыру рәвешендәге аттестация узды һәм  квалификация дәрәҗәләрен раслады. Оn-line режимында барган сынауны  75 педагог узган.

Балалар сәнгать мәктәбенең “Дети солнца”  хореография төркеме  (җитәкчеләре Динара Хәсәнова) “Здравствуй, Россия” балалар-үсмерләр  хореография коллективларының халыкара конкурс-фестиваленнән I, II, III дәрәҗә лауреат  булып кайтты.

Һәр пәнҗешәмбе көнне “Чишмәкәй” балалар бакчасы тәрбиячеләре инглиз телендә сөйләшеп алалар. “ Мин инглиз телен яратам” дип аталган әлеге дәресләрне бакчаның 1 квалификацияле укытучысы Гөлфизә Зарипова үткәрә. Инглиз теле белән кызыксынулары исә тикмәгә түгел: быел сентябрь аенда алар “50 инновацион идея” республика конкурсында катнашып, полилингваль бакча исемен дәгъваларга булганнар.

Бүген “Чишмәкәй” балалар бакчасының 5 төркемендә “Көзге бал” уза.
–Балалар матур киенгәннәр, карап туймассың,–ди бакчаның өлкән тәрбиячесе Татьяна Кожевникова
Бакча традициясе буенча, балалар бәйрәменә ата-аналар да чакырулы, һәм алар тамашачы ролендә генә утырмаячак, алар өчен дә программа әзерләнгән. “Көзге бал” исә иң нәниләрдән тыш барлык төркемнәрдә дә узачак. Чәршәмбе көнне тагы 3 төркем көзне данлаячак.