Россельхозцентр белгечләре зарарлы бөҗәкләрне ачыклау максатыннан Татарстан буенча 77,2 мең га мәйданда кукуруз чәчүлекләрен тикшерде
Россельхозцентрның Татарстан филиалы район бүлекләре белгечләре бер атна эчендә 19,8 мең га кукуруз мәйданнарын тикшерде.
Күбәләкләр зарарлаган кырлар 0,2 мең гектарда ачыкланган, шуның 219 гектары Азнакай районында.
Шулай ук 19,8 мең га кукуруз да тикшерелгән. Күбәләкләр культуралы һәм чүп үләннәренә 120 дән артык төренә зыян китерергә мөмкин. Шул ук вакытта көнбагыш, кукуруз, помидор, мамык һәм сояга аеруча зур зыян китерә», – дип белдерде «Россельхозцентр» ФДБУның Татарстан Республикасы филиалы җитәкчесе урынбасары Гүзәл Хөсәенова.
Белгечләр сүзләренчә, мамык көясе күбәләге кукурузда башта яфракларга зыян сала, аларны коры таякка әйләндерә яки тишекләр ача. Әлеге корткычлар һәм аларның курчаклары туфракның өске катламында һәм үсемлек калдыклары астында кышлый.
Бөҗәкләр белән уңышлы көрәшү өчен кукуруз культураларын контрольдә тотуны көчәйтергә, үсемлекләрне саклау өчен берничә чара күрергә кирәк.
Агротехник чаралар
Бөҗәкләрнең туфракның өске катламында кышлавын исәпкә алып, көзен үсемлек калдыкларын юк итәргә, тирән туңга сөрергә кирәк. Язгы-җәйге чорда рәт культураларында күптөрле эшкәртүләр үткәрергә, чүп үләнен юкка чыгарырга кирәк.
Биологик көрәш чаралары
Мондый көрәш ысулының биологик эффективлыгы 80-90% ка җитә.
Битоксибациллин куллану уңышлы.
Химик чаралар
Инсектицидлар белән эшкәртү бөҗәкләр үсешенең башлангыч этапларында иң нәтиҗәлесе.
Россельхозцентрның Татарстан филиалында билгеләп үтүләренчә, агымдагы елның 1 сентябренә учреждениенең район бүлекләре белгечләре 77,2 мең га зарарлы объектларны ачыклау өчен кукуруз чәчүлекләрен тикшергән.