Татарстан республикасы Хезмәт, мәшгульлек һәм социаль яклау министры урынбасары Нурлатта бәйләү буенча район чемпионатын ачты
Министр урынбасары эш сәфәре барышында Нурлат районында яшәүче өлкән яшьтәге кешеләрнең иҗатын аларның эшләре күргәзмәсендә бәяләде, шулай ук тизлеккә һәм тәҗрибәгә бәйләү буенча район чемпионатына старт бирде.
Мондый чемпионатлар бөтен Татарстан Республикасы буенча үткәрелә. Бу хакта ТР Хезмәт, мәшгульлек һәм социаль яклау министры урынбасары Юлия Абдреева Нурлат районы авыл җирлекләреннән үз осталыкларын күрсәтү өчен килгән ярышларда катнашучыларга сәламләү сүзендә әйтте.
Чемпионат тәмамланганнан соң, Юлия Ивановна һәм район башкарма комитеты җитәкчесенең социаль мәсьәләләр буенча урынбасары Ләйсән Нәфыйгина җиңүчеләрне бүләкләделәр һәм бәйрәм алдыннан аларга матур теләкләр теләделәр.
Әйтик, тизлек буенча ярышларда беренче урынны Талия Бадыгина яулады, 2 урынны Надежда Борисова алды һәм 3 урынны Тәнзилә Әхмәтҗанова алды.
Моннан тыш, биредә чемпионатның актив катнашучыларын бүләкләделәр, аларның күргәзмә эшләре аерылып торды.