Ташламаларга ия нурлатлыларга 1 октябрьгә кадәр социаль пакетны ни рәвешле алуны хәл итәргә кирәк

2021 елның 24 сентябре, җомга

Районда федераль льготага ия булучылар социаль хезмәтләр җыелмасын алу хокукын яңарту турында гариза биреп өлгерәләр әле.

Моңа бер атна гына кала. Гаризалар кабул итүнең соңгы көне-30 сентябрь.

Билгеләп үтүләренчә, социаль пакетны алу варианты белән яңа бирелгән гариза, киләсе елның 1 гыйнварыннан гамәлгә керәчәк.

Белгәнебезчә, социаль хезмәтләр җыелмасы рецептлар буенча медицина куллану юнәлешендә дару препаратларын, рецептлар буенча медицина эшләнмәләрен, инвалид балалар өчен дәвалау туклануының махсуслаштырылган продуктлары, төп авыруларны профилактикалау өчен санатор-курорт дәвалавына путевкалар, шәһәр яны тимер юл транспортында, шулай ук дәвалану урынына бару һәм кире кайту өчен шәһәрара транспортта бушлай йөрүне үз эченә ала.