Нурлат районында сайлау оештырылу дәрәҗәсе белән Ольга Павловна танышты
Ул район башлыгы урынбасары Линар Манапов белән берлектә шәһәрдә һәм район авылларында берничә сайлау участогында булды. Ольга Ивановна Һәм Линар Нурисламович сайлау комиссияләре әгъзалары, күзәтүчеләр белән аралаштылар.
Тулаем алганда, депутат сайлау участокларында югары оешканлык, сайлаучыларның активлыгы югары булуын билгеләп үтте.
«Сайлаучылар килә, һәркемнең кәефе яхшы. Халык тавыш бирә, барысы да штаттан тыш, санитар-эпидемиологик чаралар үтәлә. Бүген Егоркино сайлау участогында да булдык, авылларда чәй эчүләр дә оештыралар, коймак, камыр ризыклары белән сыйлыйлар. Сайлаулар бәйрәм кебек уза", - диде Ольга Павлова.
2333нче сайлау участогында да нурлатлылар зур активлык күрсәтә, ул шәһәрнең 4нче мәктәбендә урнашкан.
«Безнең участокта 2012 сайлаучы бар, шуларның 235е өйдә тавыш бирергә теләк белдерде. Участок ачылышына 10нан артык кеше җыелды. Гомумән, тавыш бирүчеләр күп, 13.30 сәгатькә сайлаучыларның 10 проценты үз тавышларын бирде инде", - дип сөйләде участок сайлау комиссиясе рәисе Ләйсән Кәбирова.
Визит барышында депутат шәһәр гимназиясендә, 4нче, 9нчы мәктәпләрдә, шулай ук Мамык, Егоркино, Яңа Әмзә һәм Колбай-Морасада урнашкан сайлау участокларында булды.