Чулпан мәктәбенең беренче сыйныф укучыларына бүләкләр тапшырылды

2021 елның 25 августы, чәршәмбе

Белем көне алдыннан аларны район башлыгы Алмаз Әхмәтшин һәм ТР Экология һәм табигый ресурслар министры Александр Шадриков котлады.

Булачак беренче сыйныф укучылары, сыйныфларына кереп, туп-туры үз рюкзакларына тутырылган бүләкләрне кызыксынып карый башладыдар. Аларда укучылар өчен кирәкле пенал, линейка, клей, буяулар һәм башка төрле кирәк-яраклар белән бергә яшь эколог формасы да бар иде. Ә бу инде нәни укучыларның якты киләчәген күз уңында тотып ясалган бүләк, чөнки белем дөньясы бик кызыклы һәм аңа юл инде беренче сыйныфтан ук башлана.