Нурлат гармунчысы республика фестивалендә уңышлы чыгыш ясады
Районның танылган гармунчысы Василий Абрамов Андреевкадан «Выля, хут купас» («Уйнагыз, гармуннар») чуаш халык иҗаты Х Республика фестиваль-конкурсында I дәрәҗә дипломга лаек булды.
Традицион фестиваль Яңа Чишмә районының Чуаш Чабаксары авылында узды. Анда шулай ук Егоркинодан Анатолий Трофимов та катнашты.
Концертта республикадан, Чуашстан һәм Самара өлкәсе гармунчылары һәм иҗат коллективлары башкаруында яңгыраган көйләргә алкышлар тынмады. Гармунчыларның үзләрендә дә иҗади ярышта җиңү өчен зур стимул бар иде – чөнки Гран-Приның төп призы-яңа гармун.
Әйтергә кирәк, Нурлат гармунчылары ел саен әлеге фестивальдә катнашып, призлы урыннар алалар. Бу ел да искәрмә түгел. Василий Абрамовны лаеклы җиңүе белән котларга мөмкин.
"Чуаш Чабаксарында яшәүчеләр бик матур бәйрәм оештырдылар, милли ишегаллары, балалар аттракционнары эшләде, мастер-класслар үткәрелде. Василий Абрамов һәм Анатолий Трофимов традицион гармунчылар бәйрәмендә катнаштылар. Шулай ук бәйрәмдә Никифор Михайлович Охотниковка багышланган бюстны ачу тантанасы булды. Бу-югары белемле беренче Чуваш математигы. Сембер Чуваш укытучылар мәктәбен тәмамлаган. Казан земство мәктәбендә математика һәм чуаш теле укытучысы булып эшләгән. Зур иҗтимагый эшчәнлек алып барган шәхес. Туган ягында чуашларның халык тәрбиясе, мәдәнияте һәм көнкүреше турында үзенең этнографик очерклары белән билгеле",-диде Нурлат районының чуаш милли-мәдәни үзәге җитәкчесе Галина Терентьева.
Ул шулай ук бюстны ачу Яңа Чишмә районы халкы өчен генә түгел, гомумән республика өчен дә, бигрәк тә Туган телләр һәм халыклар бердәмлеге елында әһәмиятле вакыйга булуын билгеләп үтте.