Татарстанда хезмәтне саклау айлыгы тәмамланды

2021 елның 21 августы, шимбә

Татарстанда хезмәтне саклау һәм 2021 елгы уңышны җыеп алу чорында куркынычсыз җитештерү таләпләрен үтәү максатыннан игълан ителгән айлык тәмамланды.

Нурлат районының авыл хуҗалыгы һәм азык-төлек идарәсеннән хәбәр итүләренчә, бу чорда хуҗалыкларда бәхетсезлек очраклары булмаган.

Урып-җыю эшләренә җәлеп ителгән хезмәткәрләр куркынычсызлык техникасы һәм янгын куркынычсызлыгы буенча инструктаж нигезендә эш иттеләр, урып-җыю техникасының техник торышы, янгын сүндергечләр һәм медицина аптечкаларының булу-булмавы даими рәвештә тикшерелде, тиешле башка чаралар үткәрелде.