Гимназия педагоглары яшь нурлатлылар өчен мастер-класслар үткәрде

2021 елның 16 августы, дүшәмбе

Нурлат гимназиясе педагоглары "Театр" скверында яшь нурлатлылар өчен ике мастер-класс оештырды.

Мастер-класслар өчен укытучылар алдан ук төсле кәгазь һәм фломастерлар әзерләде. 

Белем көненә багышланган беренче мастер-класста балалар үз китаплары һәм дәфтәрләре өчен сөйкемле мәчеләр рәвешендә кызыклы кыстыргычлар ясады.

Икенче этапта укытучылар балаларга матур открыткалар ясарга тәкъдим итте, аларны алдан әзерләнгән кәгазь чәчәкләр һәм Татарстанны данлаучы текстлар белән бизәделәр. Һәм бу очраклы түгел. Икенче мастер-класс Республика көненә багышланды.

Яшь нурлатлылар үз куллары белән ясалган эшләнмәләрдән канәгать калдылар.