Нурлат районында традицион авыл хуҗалыгы ярминкәләре башланды
Беренче ярминкә Кооператив урамында оештырылды.
Яңа сезонның барлык ассортименты бүген иртәдән үк Нурлат шәһәрендә уза торган ярминкәдә тәкъдим ителгән. Шәхси ярдәмче хуҗалыклар суган, сарымсак уңышын җыеп өлгерделәр, себерке әзерләделәр, хәзер исә помидор, кыяр, борыч, умарталыкларда бал җыю бара. Ә традицион авыл хуҗалыгы ярминкәләре-үстерелгән уңышны сату өчен менә дигән мөмкинлек. Түбән Нурлат микрорайоныннан Розалия Ибәтуллина да шәһәр халкына 10 төрле продукция тәкъдим итте, алар арасында сусыл җиләк-җимеш тә бар иде.
"Барысы да үз шәхси ярдәмче хуҗалыгыннан», - диде ул.
Әлбәттә, шәһәр халкы да зур ярминкәләрне сагынырга өлгергән. Күпләр ит, яшелчә, бал, себеркеләр белән запасланган, үсентеләр, балык, шулай ук җирле фермерлар һәм кооперативларның ит, сөт һәм икмәк продукциясен сатып алган.
Ярминкәне оештыру белән район Башлыгы урынбасары Линар Маняпов башлангычында район җитәкчелеге дә танышты. Традиция буенча, мәдәният бүлеге хезмәткәрләре катнашучылар өчен концерт программасы әзерләделәр.