Нурлатлыларның кулланучылар хокукларын яклау территориаль бүлегенә килгән 86 мөрәҗәгате уңай хәл ителгән

2021 елның 8 августы, якшәмбе

2021 елның беренче яртыеллыгы нәтиҗәләре буенча ТР Дәүләт алкоголь инспекциясенең Чистай территориаль органы кулланучылар хокукларын яклау бүлегенә 87 мөрәҗәгать кергән.

Бу 2020 елның шул ук чоры белән чагыштырганда 1,1% ка кимрәк, шуларның 82 телдән (10 - шәхси кабул итү барышында, 72 – телефон аша) һәм 5 – язма рәвештә.

Шул ук вакытта нурлатлылардан килгән 86 мөрәҗәгать уңай хәл ителгән, телдән мөрәҗәгатьләр буенча кулланучыларга «Кулланучылар хокукларын яклау турында» РФ Законы нигезендә консультацияләр бирелгән.