ЯҢАЛЫКЛАР

Нурлат спорт мәктәбенең Евгений Казаев кул астында шөгыльләнүче биш яшь кикбоксчы Идел буе Федераль округы беренчелегендә катнашу хокукы яуладылар.

Әлене бәйгегә ДЮСШның Иглай, Чулпан, Елаур филиалларында шөгыльләнүче яшь көрәшчеләр барган иде. Нәтиҗәдә, Илья Алексеев, Егор Горшков (тренерлары Расих Сәмигуллин) һәм Илсөя Сәгъдиева (Рамил Рәхмәтуллин) – III урыннар алып кайттылар. Моннан тыш, Василий Алексеев һәм Александр Хурастеевта IV урын. 

Шунысын да әйтик, Расих Сәмигуллиның тагы бер шәкерте, бүген Яр Чаллы педагогия институтында белем алучы Ольга Спиридонова бу турнирда җиңүче исеме яулады. Ольга– Яңа Тумба кызы, быел Елаур урта мәктәбен тәмамлаган иде. Көрәш белән дә Елаур мәктәп-интернатында шөгыльләнә башлый. “Ольга – бик тырыш кыз, үҗәт спортчы. Әти-әнисенең, якыннары аның спорт белән мавыгуын бик  хуплыйлар, шуңа югары уку йортына киткәч тә көрәшне ташламады ул, ә нәтиҗәсе күз алдында. Дөнья беренчелегенә кадәр Россиянең вузлары арасындагы турнирны да отып кайтты әле”, – дип сөенә шәкерте өчен Расих Сәмигуллин да.

Балалар-үсмерләр спорт мәктәбе шәкерте, Чулпан авылы егете Илнур Сәетов билбау көрәше буенча дөнья беренчелегеннән көмеш медаль яулап кайтты.

Хәзер пассажирларга яңа – буккроссинг, “Вокзалда укыйбыз” хезмәте күрсәтелә. Биредә китап шкафы куелган, аннан һәркем үзенә ошаган басманы алып, поезд көтү вакытын файдага уздыра ала. Китапны үзең белән юлга да алырга мөмкин, ә аннан башка станциянең вокзал яны китапханәсендә калдырырга була.

10 декабрьдән 15 гыйнварьгача район территориясендә янгынга каршы реҗим игълан ителде. Айлык Яңа ел чараларын һәм гыйнварь каникулларын имин үткәрү максатыннан  оештырыла.

 Бикүле татар театры яңа иҗат сезонына әзерләнә. Хәзер алар татар халык театры режиссеры Илшат Гайсин җитәкчелегендә “Әстәгафируллах” дип аталган комедияне сәхнәләштерү белән мәшгуль.