ЯҢАЛЫКЛАР

Бүген районның биш авыл җирлегендә һәм шикәрчеләр бистәсендә Җиңүнең 70 еллыгына багышланган юбилей медальләрен тапшыру тантаналары узды.

Әлмәттә узган “Сандугач сайрар илем” балалар иҗаты төбәк фестиваленнән Балалар сәнгать мәктәбенең Динара Хәсәнова җитәкчелегендәге  “Дети солнца”  хореография коллективының зурлар төркеме II дәрәҗә җиңү яулады. Ә “Незабудки” коллективының кече төркеме (җитәкчеләре Надежда Хворостьева) фестивальдән дипломант исеменә лаек булып кайттылар.

“Созвездие – Йолдызлык” эстрада сәнгате ачык  республика яшьләр телевизион фестиваленең Аксубайда узган зона турыннан яшь нурлатлылар уңышлар белән кайттылар.   Быел фестиваль Җиңүнең 70 еллыгы темасы астында узды.
Балалар сәнгать мәктәбеннән  өч укучы: “Вокал – соло”да Дмитрий Николаев (җитәкчесе Ольга Гришина), Искәндәр Гайсин (Клара Хәйретдинова), Екатерина Снегурова (Ольга Ефремова) үз номинацияләрендә II дәрәҗә лауреат булдылар. “Конферанс” номинасияседә Валентина Голубеваның шәкертләре – Игорь Тимофеев, Ольга Рыскина, Настя Лобашова, Кирилл Захаров һәм Диләрә Хәсәншина III урыннар алып кайттылар. Призлы урыннар алган яулаучы яшь нурлатллыар 13-17 апрельдә Казанда “УНИКС”та узачак Суперфиналда катнашу хокукына ия булдылар.

Бүген, 20 мартта Халыклар Дуслыгы йортында кабинетлар оформить итү буенча эшче киңәшмә узды.
Район башкарма комитеты җитәкчесенең социаль-мәдәни мәсьәләләр буенча урынбасары Әлфия Галәветдинова  әлеге бинага урнашачак диаспоралар, “Форпост” яшьләр формированиесе вәкилләрен, спорт һәм мәдәният өчен җаваплы затларны һәм башкаларны җыйды. Хәзер алда телгә алган һәр җаваплы зат үз эш урыннарының (кабинетларының) проектын булдырып, аны комиссия алдында якларга тиеш. Проектларны яклау  27 мартка билгеләнде.
Бүгенге көндә “Еврострой” җәмгыяте ремонтлаучы бинада төзекләндерү эшләренең 80 проценты тәмамланган. Хәзер эчке эшләр калып бара. Төзүчеләр барлык эшләрне май азагына төгәлләргә планлаштыра.