ЯҢАЛЫКЛАР

Бүген Нурлатта рйон башлыгы Алмаз Әхмәтшинның Чыршы бәйрәме узды. Анда 1230 бала чакырылган иде, аларның һәркайсы район башлыгы исеменнән бүләк алды.

Нурлатның яшь гимнасткалары ел тәмамланганда Мәскәүдә нәфис гимнастика буенча «Cristmas&Sport» ачык турнирында катнашып кайттылар. Зифа Сәгъдиева шәкертләре анда икешәр икенче һәм өченче урыннар алдылар. Аня Челышева һәм Эмилия Сәгъдиева ярышларның көмеш, Рената Королева белән Алия Закирова бронза призерлары булдылар.

Бүген Нурлатның сәламәтлекләре чикләнгән балалар өчен интернат-мәктәп укучыларын тантаналы төстә бүләкләделәр. 

Бүген Казанда ТР Президенты Рөстәм Миңнеханов катнашындагы Чыршы бәйрәмендә Нурлаттан 42 укучы катнаша.

23 декабрь көнне Г.Хөсәенов исемендәге спорт мәктәбе кикбоксчылары Димитровградта ачык Чемпионатта һәм шәһәр беренчелегендә катнашып, уңышлы чыгыш ясап кайттылар.

22 декабрьдә Нурлатта яшәүче тыл хезмәтчәне Әнвәр Җиһаншин 90 яшьлек юбилеен билгеләп үтте. Аны район башкарма комитеты җитәкчесе урынбасары Эльмира Шагаева гомер бәйрәме белән котлап, район башлыгы Алмаз Әхмәтшин исеменнән бүләк тапшырды.

Бүген Елаурда яшәүче тыл хезмәтчәне Зинаида Николаевна Курочкина 90 яшьлек юбилеен билгеләп үтә. Аны район башлыгы Алмаз Әхмәтшин исеменнән район башлыгы урынбасары Ильяс Әхмәтҗанов котлады.

Нурлат рйоны башкарма комитетының архитектура һәм шәһәр төзелеше бүлеге начальнигы итеп Муса Вилданов билгеләнде. Бу хакта шәһәр планеркасында бүген хәбәр иттеләр.

Бүген район активы белән планеркада район башлыгы Алмаз Әхмәтшин яңа җитәкчене тәкъдим итте. Район башкарма комитеты җитәкчесенең икътисад буенча урынбасары итеп Руслан Шәмсетдинов билгеләнде.

Бүген чираттагы киңәшмә-планеркада район башлыгы Алмаз Әхмәтшин яңа җитәкчене тәкъдим итте. Җир һәм милек мөнәсәбәтләре палатасын хәзер Мария Стабровская җитәкләячәк.